قېرىش، ئادەمدىكى نورمال بىر فىزىلوگىيەلىك جەريان بولۇپ، ئۇ يەنە ھەممە ئادەم ئەڭ ئۈمىد قىلمايدىغان ئىشلارنىڭ بىرى؛ ئۇنداقتا، ئۆزىمىزنىڭ قېرىشقا باشلىغانلىقىغا قانداق ھۆكۈم قىلىشىمىز كېرەك؟ ئەمەلىيەتتە، بىزنىڭ بەدىنىمىز بىزنىڭ قېرىشقا باشلىغانلىقىمىزدىن سىگنال بىرىدۇ؛ تۆۋەندە بىز، بەدەننىڭ قانداق سىگنال تارقىتىدىغانلىقىنى كۆرۈپ باقايلى!

ئەتىگىنى باش قېيىش
   نورمال ئەھۋال ئاستىدا، ئەتىگىنى ئورنىمىزدىن تۇرغاندىن كېيىن، كاللىمىز سەگەك بولۇشى ۋە ئۆزىمىزنى روھلۇق ھېس قىلىشىمىز لازىم. بىراق، ئەگەر ئەتىگىنى ئورنىمىزدىن تۇرغاندىن كېيىن، باش قېيىش ياكى كاللىسى گاراڭ بولۇپ قېلىش ئەھۋاللىرى كۆرۈلسە، بەلكىم بويۇن ئۇمۇرتقا سۆڭىكى ئۆسۈپ قېلىپ، بويۇن ئارتىرىيە قان تومۇرلىرىنى بېسىۋالغانلىقتىن، مېڭىگە قان يىتەشمىلىكنى كەلتۈرۈپ چىقىرىش سەۋەبىدىن بولۇشى مۇمكىن.

ئەتىگەن سەھەردە ئۇخلىيالماسلىق
   بەزى ياشانغان كىشىلەر، سەھەر سائەت 5-4ئەتراپىدا ئويغىنىپ كېتىدۇ ھەمدە ئويغانغاندىن كېيىن قايتا ئۇخلىيالماي، بىر خىل چۈشكۈن بولۇپ قالىدۇ. بۇ خىل ئەھۋال، كىلىنكىدا بالدۇر ئويغىنىپ ئۇيقۇسى قېچىش دەپ ئاتىلىدىغان بولۇپ، ئاساسلىقى ھەر خىل تۈردىكى خامۇشلۇق كېسىلى ۋە پىسخىكىسىدا توسالغۇ بار كىشىلەردە كۆپ كۆرىلىدۇ.
ئەتىگەندە ئىششىپ قېلىش
   ئادەتتە، ساغلام كىشىلەرمۇ ئەتىگىنى ئورنىدىن تۇرغاندىن كېيىن، بەزىلەردە يېنىك دەرىجىدە ئىششىپ قېلىش ئەھۋالى كۆرۈلۈشى مۇمكىن، لېكىن ئورنىدىن تۇرغاندىن كېيىنكى 20مىنۇت ئىچىدە ئۈزۈل-كېسىل يوقاپ كېتىدۇ. ئەگەر ئويغىنىپ خېلى ۋاقىت ئۆتكەندىن كېيىنمۇ باش قىسىمدا، بولۇپمۇ كۆز چاناق قىسىمدا ئىششىق كۆرۈلسە، دوختۇرخانىغا بېرىپ بۆرەك ۋە يۈرەك ئەھۋالىنى تەكشۈرتۈپ بېقىش كىرەك.