ھەممىمىز بىلىمىز، ئىلمى ئۇسۇلدا ھەرىكەت قىلىپ چېنىقىش، بەدەننىڭ مىتابولىزىمىنى ئىلگىرى سۈرۈپ، ئىممونت كۈچىنى ئاشۇرىدۇ ھەمدە كىسەللىكتىن ساقىيىپ كىتىشنى ئىلگىرى سۈرىدۇ. بۈگۈن بىز كۆپچىلىكنىڭ دىققىتىگە ياشانغانلارغا ماس كىلىدىغان تۆت خىل چېنىقىش ئۇسۇلىنى تۇنۇشتۇرۇپ ئۆتىمىز.
ئوكسىگىنلىق ھەرىكەتلىنىش
     ئوكسىگىنلىق ھەرىكەتلىنىش بولسا، يۈرەك ۋە ئۆپكىنىڭ ماسلىىشى ئىقتىدارىنى سىنايدىغان ئۇسۇل بۇلۇپ، بۇنىڭ بىلەن بىر ۋاقىتتا يەنە، يۈرەك ۋە ئۆپكىنىڭ ئىقتىدارىنىڭ ماسلىشىشچانلىقىنى يۇقىرى كۆتىرىدىغان چېنىقىش ئۇسۇلىدۇر.
    ئوكسىگىنلىق چېنىقىشنىڭ ھەرىكەتلىرى ئاددى، ھەرىكەتلىنىش قاتتىقلىق دەرىجىسىنى كونتىرول قىلماق ئاسان بولۇپ، يەككە گەۋدە ئارىسىدىكى ئىنىرگىيە خوراش پەرقى كىچىك كىلىدۇ، ياشانغانلارغا ئىنتايىن ماس كىلىدۇ. ئوكسىگىنلىق ھەرىكەتلىنىشنىڭ دەسلەپكى باشلىنىش مەزگىلىدىكى چېنىقىش تۈرلىرى، يۈرەك ۋە ئۆپكە چىدامچانلىقى تۆۋەن بولغان ياشانغانلارغا تولىمۇ ماس كىلىدۇ.

قارشىلىق كۈچىگە قارشى تۇرۇش ھەرىكىتى
   ياشانغان كىشىلەر، ئىككى قولى بىلەن سۇ توشقۇزۇلغان 500مىللىلىتىرلىق مىنرالنى سۇ بوتولكىسىنى كۆتۈرۈش، كىچىك باكلىق ماينى كۆتۈرۈش، زوڭزىيىپ ئولتۇرۇش قاتارلىق ھەرىكەتلەرنى ئىشلەش ئارقىلىق، كۆپ مۇسكۇللار قاتناشقان كۈچ مەشىقى ئىشلەپ بەرسە بولىدۇ.
ئەۋرىشىملىك مەشىقى
    ئەۋرىشىملىك، بەدەن ئورگانىزىمىنىڭ ئالاھىدىلىكلىرىنىڭ بىرى بولۇپ، ئادەم بەدىنىنىڭ ھەر خىل ھەرىكەتلىرىنىڭ قاتتىق-يىنىكلىك دەرىجىسى ۋە ئەپچىللىك دەرىجىسىنى بەلگىلەيدۇ.
    ياشنىڭ ئېشىشىغا ئەگىشىپ، ياشانغانلارنىڭ بەدىنىنىڭ ئەۋرىشىملىكىدە كۆرنەرلىك ئۆزگىرىشلەر كۆرۈلىدۇ؛ بولۇپمۇ بويۇن، مۈرە، بەل ئۇمۇرتقا، تىز، ھۇشۇق قاتارلىق بوغۇملارنىڭ ئەۋرىشىملىك سۈپىتى بارغانسىرى تۆۋەنلەپ كىتىدىغان بولۇپ، ئۇلاردا ئاسانلا ھەر خىل بوغۇم زەخمىلىنىش كىسەللىكلىرىنى كەلتۈرۈپ چىقىرىدۇ ھەمدە كۈندىلىك تۇرمۇشىغا قولايسىزلىق ۋە خەۋپ ئېلىپ كىلىدۇ.
    شۇنىڭ ئۈچۈن، ياشانغانلار، ئۈرە ھالەتتە ئىگىلىپ پۇت بارماقلىرىنى تۇتۇش، يۈگا، تەيجى گۇمپىسى قاتارلىق ھەرىكەتلەرنى ئىشلەپ بەرسە، بەدەن مۇسكۇللىرىنى سوزۇپ، بەدەننىنىڭ ئەرۋرىشىملىق دەرىجىسى ۋە ئەپچىللىكىنى يۇقىرى كۆتۈرىدۇ.