ئۇخلاش ئالدىدا ساغلام ئادەتلەرنى ساقلاش، ئۇيقۇغا پايدىلىق. لېكىن ئەرلەرگە نىسبەتەن، تۆۋەندىكى ئۈچ خىل قىلمىشتىن ساقلىنىش كېرەك؛ بولمىغاندا، ئۇيقۇغا تەسىر كۆرسىتىپلا قالماي، يەنە سىزگە كېسەللىكمۇ ئېلىپ كېلىدۇ.

ئۇخلاش ئالدىدا تاماكا چىكىش
   ئۇخلاش ئالدىدا تاماكا چىكىش، ئەڭ ناچار ئادەتلەرنىڭ بىرى بولۇپ، ئۇيقۇ سۈپىتىگە تەسىر يەتكۈزۈپلا قالماي، يەنە قاننىڭ قۇيۇقلۇق دەرىجىسىنى ئاشۇرىۋىتىدۇ. ھەممىمىزگە مەلۇملۇق، ئۇخلىغان ۋاقىتتا ئادەمنىڭ قان ئايلىنىش سۈرئىتى ئاستىلايدۇ؛ بۇنداق ئەھۋالدا، ئۇخلاش ئالدىدا تاماكا چەكسەك، قاننىڭ قۇيۇقلۇقى ئېشىپ كەتكەنلىك سەۋەبىدىن، قاندا نۆكچە پەيدا بولۇشنى كەلتۈرۈپ چىقىرىشى مۇمكىن.

ئۇخلاش ئالدىدا ھاراق ئىچىش
   نۇرغۇن كىشىلەر، ئۇخلاش ئالدىدا ھاراق ئىچىۋالساق، مەستلىكتىن ھېچنېمىنى تۇيماي ئۇخلاپ ياخشى ئارام ئالالايمىز دەپ ئويلايدۇ؛ لېكىن ئەمەلىيەتتە، ئۇخلاشنىڭ ئالدىدا ھاراق ئىچىش تېخىمۇ خەتەرلىك. چۈنكى ھاراق، جىگەر ۋە ئاشقازان ئاستى بېزىنى ئاسانلا زەخمىگە ئۇچرىتىدۇ، چوڭ مېڭىگە بولغان تەسىرىمۇ بىر قەدەر چوڭ. بۇندىن باشقا، ھاراق ئىچىپ بولۇپلا ئۇخلىساق، ئاشقازاندىكى تېخى ھەزىم قىلىنىپ بولالمىغان يېمەكلىكلەرنىڭ يېنىپ چىقىشىنى پەيدا قىلىپ، ئېغىر بولغاندا نەپەس بوغۇلۇپ قېلىشنى كەلتۈرۈپ چىقىرىشى مۇمكىن.