سېمىزلىك، بىر ئادەمنىڭ سرتقى قىياپىتىگە تەسىر كۆرسىتىپلا قالماي، يەنە ئادەمنىڭ ھەرخىل كىسەللىكلەرگە گىرىپتار بولۇش نىسبىتىنى ئاشۇرۋىتىدۇ. ئەمىلىيەتتە، مەيلى ئايال كىشى بولسۇن ياكى ئەركىشى بولسۇن، ھەممىسىنىڭ ئۆلچەملىك بەدەن ئېغىرلىقى دائىرىسى بار بولۇپ، پەقەت بەدەن ئېغىرلىقىنى مۇشۇ ئۆلچەملىك دائىردە ساقلىغان ۋاقىتتىلا، ئاندىن تەن ساغلاملىقىغا كاپالەتلىك قىلغىلى بولىدۇ.

    ئادەتتە بىزنىڭ ئەتراپىمىزدىكى ئەرلەرنىڭ بوي ئېگىزلىكى بىر مىتىر يەتمىش سانتىمىتىر ئەتراپىدا كىلىدۇ؛ شۇڭا بىز 170سانتىمىتىرلىق بوي ئېگىزلىكنى مىسالغا ئالساق، ئۇلارنىڭ بەدەن ئېغىرلىقى 65كىلوگىرام كەلسە نورمال بولىدۇ. بۇندىن باشقا، نورمال بەدەن ئېغىرلىقى مۇقىم بىر قىممەت بولماستىن، ئۇنىڭ بەلگىلىك بىر دائىرسى بولىدۇ؛ يەنى، ئۆلچەملىك ئېغىرلىق ئاساسىدا، %10ئەتراپىدا يۇقىرى ياكى تۆۋەن بولسىمۇ نورمال دائىردە بولغان ھىسابلىنىدۇ. شۇڭا، ئادەتتە بوي ئېگىزلىكى 170سانتىمىتىر بولغان ئەرلەرگە نىسبەتەن، ئۇلارنىڭ بەدەن ئېغىرلىقى 58.5كىلوگىرامدىن 71.5كىلوگىرامغىچە بولسا نورمال بولغان بولىدۇ.

بەدەن ئېغىرلىقىنىڭ ئۆلچەمدىن ئېشىپ كىتىشىدىكى سەۋەپلەر
    ئەگەر ئەرلەرنىڭ بەدەن ئېغىرلىقى، نورمال ئۆلچەمدىن %20 ئېشىپ كەتسە، بۇ ۋاقىتتا ئۇلار سېمىزلار قاتارىغا كىرگەن بولىدۇ. بۇ ۋاقىتتا ئەگەر ئۇرۇقلايمەن دىسەك، ئاۋال بەدەن ئېغىرلىقىمىزنىڭ ئۆلچەمدىن ئېشىپ كىتىش سەۋەبىنى ئىزدەپ تاپقاندا بولىدۇ. ئەرلەرگە نىسبەتەن، ئادەتتە مىھماندارچىلىق كۆپ بولىدۇ، بۇنداق ئەھۋالدا چوڭ يەپ چوڭ ئىچىشتىن ساقلانغىلى بولمايدۇ، بۇنىڭغا ھاراق ئىچىش ۋە تاماكا چىكىش قوشۇلۇپ، بەدەندە زور مىقداردا ئىنىرگىيە توپلىنىپ قېلىشنى كەلتۈرۈپ چىقىرىدۇ ھەمدە بۇ سەۋەپلىك سېمىزلىكنى پەيدا قىلىدۇ. بۇندىن باشقا، روھى بېسىم ئېغىرلاپ كەتسىمۇ، ئادەمنىڭ ئۇيقۇ سۈپىتىگە تەسىر يەتكۈزۈپ، بەدەننىڭ ھەرقايسى ئەزالىرىنىڭ نورمال ئىقتىدارى ۋە مىتابولىزىمىغا تەسىر كۆرسىتىدۇ؛ بۇنداق ئەھۋالدا ئىچكى ئاجرالمىلاردا تەڭپۇڭسىزلىق كۆرۈلۈپ، ئادەم ئاسان سەمىرىپ قالىدۇ.