بىز ھەمىشە ئەتراپىمىزدىكى كىشىلەرنىڭ بۆرەك ئاجىزلىقىنى تىلغا ئالغانلىقىنى ئاڭلايمىز؛ ئەمىلىيەتتە، بۆرەك ئاجىزلىق بۆرەك ئىقتىدارىنىڭ ياخشى بولالمىغانلىقىنىڭ ئىپادىسى بولۇپ، روھى كەيپىياتى تۆۋەنلەپ كىتىش، بەل-تىزى سىقىراپ ئاغرىش، كۆپ تەرلەش ۋە چۈش كۆرۈش، پۇت-قوللىرى مۇزلاش، ئەرلەرنىڭ جىنسىي ئىقتىدارى تۆۋەنلەپ كىتىش، ئاياللاردىكى ھەيىز مىقدارى ئازلاپ كىتىش ياكى ئۈزۈلۈپ قېلىش قاتارلىق ئالامەتلىرى بولىدۇ.

    ئادەتتە بۆرەك ئىقتىدارىنىڭ نورمال ياكى ئەمەسلىكىگە تۆۋەندىكى نوقتىلاردىن پايدىلىنىپ، ئۆزىمىز ھۆكۈم قىلىشقا بولىدۇ.
1. چوڭ-كىچىك تەرەت
    چوڭ-كىچىك تەرەت راۋان ۋە نورمال بولۇش، قەۋزىيەت، سۈيدۈك تامچىلاش قاتارلىق ئەھۋاللار بولماسلىق.
2. بەل
    بەل ماغدۇرى بار كىلىش، سىقىراپ ئاغرىيدىغان ئەھۋاللار بولماسلىق
3. چاچ
    چېچى ساغلام ھالەتتە قارا ۋە پاقىراپ تۇرىدىغان بولۇش، چاچ چۈشۈش ئەھۋالى كۆرۈلمەسلىك
4. ئاڭلاش سىزىمى
    ئاڭلاش سىزىمى مۇقىم ھەم نورمال بولۇش، قولاق غوڭۇلدايدىغان ياكى ئاڭلاش سىزىمى تۆۋەنلەپ كىتىدىغان ئەھۋاللار كۆرۈلمەسلىك

5. چۈشكۈرۈش
    كۆپ چۈشكۈرمەسلىك؛ بەزى كىشىلەر زۇكام بولۇپ قالمىغان تۇرۇپمۇ ھەمىشە سەۋەپسىزلا چۈشكۈرۈپ كىتىدۇ، بۇنداق كىشىلەر دىققەت قىلىشى لازىم.
6. تىرە
    تىرە نورمال ساغلام ھالەتتە بولۇش، يەنى پاقىراق، مەڭزىلىرى قىزىل كىلىش، تىرە سارغىيىپ ئۆڭۈپ قالىدىغان ئەھۋاللار بولماسلىق.
7. روھى ھالىتى
    كۈندۈزلىرى روھى ئۇرغۇپ تۇرىدىغان بولۇش، كىچىسى ئۇيقۇسى سۈپەتلىك ياخشى بولۇش
8. بەدىنى ھارارەتلىك بولۇش
    پۇت-قوللىرى ھارارىتى بار ئىسسىق ھالەتتە بولۇش، پۇت-قوللىرى ئۇزۇن ۋاقىت مۇزلاپ كىتىدىغان ئەھۋاللار كۆرۈلمەسلىك ياكى ناھايىتى ئاز كۆرۈلۈش.
9. روھى كەيپىياتى
    كۆڭلىنى تىنچ تۇتالايدىغان بولۇش، سەۋەپسىز يۈرىكى سېلىپ تەشۋىشلىشىدىغان ئەھۋاللار كۆرۈلمەسلىك ياكى كۆپ كۆرۈلمەسلىك.