بىز بەزىدە كىيىملىرىمىزنى قانداق ماسلاشتۇرۇپ كىيىشنى بىلەلمەي قالىمىز؛ بۇ كۆپىنچە بىزنىڭ ئۆزىمىزنىڭ بەدەن شەكلىگە بولغان چۈشەنچىمىزنىڭ يىتەرلىك بولمىغانلىقىدىن بولىدۇ. ئادەتتە ئاياللارنىڭ بەدەن شەكلى تۆت خىلغان بۆلىنىدۇ، ئەگەر ئۆزىڭىزنىڭ بەدەن شەكلىنىڭ قايسى خىلغا تەۋە ئىكەنلىكىنى بىلمەكچى بولسىڭىز، دىققىتىڭىز تۆۋەندىكى مەزمۇنلاردا بولسۇن!

1. نەشپۈت شەكىللىك
    نەشپۈت شەكىللىك بەدەن شەكىل-قۇرۇلمىسىنىڭ ئالاھىدىلىكى بولسا، بەدەننىڭ ئۈستۈنكى يېرىمى ئۇرۇق، ئەمما ساغرا قىسىمدىن باشلاپ پۇتىغىچە بولغان ئاستىنقى قىسمى سېمىزرەك كىلىدۇ. بۇنداق بەدەن شەكلىگە، ئازراق كەڭرەك كەلگەن پوپايكا بىلەن يوپكا ماسلاشتۇرۇساق بىرقەدەر مۇۋاپىق بولىدۇ. يوپكىنىڭ پاسونى جەھەتتە چېكى بار يوپكا تاللىساق تېخىمۇ ئۇرۇقراق كۆرۈنۈشىمىز مۇمكىن.

2. Hشەكىللىك
     بۇ خىل شەكىلدىكى بەدەن شەكىل-قۇرۇلمىسىنىڭ ئالاھىدىلىكى بولسا، بويى ئىنچىكە ھەم ئۇزۇن كىلىدىغان بولۇپ، كۆكرەك، بەل ۋە ساغرا ئەگرى سىزىقلىرى كۆرنەرلىك ئىپادىلەنمەيدىغان كىلىدۇ. ئەمما شۇنى ئىنكار قىلىشقا بولمايدۇكى، بۇنداق خىلدىكى بەدەن شەكلى كىيىم كەيگەندە ئەڭ چىرايلىق كۆرۈنىدۇ؛ چۈنكى بەدەندە ئارتۇق گۆش بولمىغانلىقتىن، ئاساسەن ياراشمايدىغان كىيىملەر بولمايدۇ.

3. قۇم سائىتى شەكىللىك
    قۇم سائىتى شەكىللىك بەدەن شەكىل-قۇرۇلمىسىنىڭ ئالاھىدىلىكى بولسا، بەدىنىنىڭ ئۈستۈنكى يېرىمى ۋە ئاستىنقى يېرىمى ئوخشاشلا ناھايىتى تولغان، پەقەت بەل قىسمىلا ناھايىتى ئىنچىكە كىلىدۇ. بۇنداق بەدەن شەكلى ناھايىتى تولغان كۆرۈنىدىغان بولۇپ، كىيىم كەيگەندىمۇ ئۆزىنىڭ بەدەن شەكلىنى يۈرەكلىك ھالدا گەۋدىلەندۈرۈشكە بولىدۇ. بۇ تۈردىكى بەدەن شەكلىدە، ئازراق كەڭرى كەلگەن قىسقا چاپان بىلەن بەلنى چىڭ تۇتىدىغان يوپكا ماسلاشتۇرساق، بىر قەدەر مۇكەممەل كىلىدۇ.

4. ئالما شەكىللىك
   ئالما شەكىللىك بەدەن شەكىل-قۇرۇلمىسىنىڭ ئالاھىدىلىكى بولسا، بەدەننىڭ ئۈستۈنكى يېرىم قىسمى سېمىش، ئاستىنقى يېرىم قىسمى ئۇرۇق ھەمدە بەل قورساق قسىمى بىرقەدەر گۆشلۈك كىلىدۇ. بۇ خىل بەدەن شەكلىگە، ئادەتتە كەڭرەك كەلگەن چاپان(ياكى مايكا، پوپايكا قاتارلىقلار) كىيىپ، ئۇنىڭغا بىلى ئۈستۈنرەك كەلگەن يوپكا ماسلاشتۇرۇپ كيسەك، مۇۋاپىق تۈردە بەل-قورساق قسىمدىكى گۆشلەرنى يېغىپ، ئادەمنى نىسبەتەن ئۇرۇقراق كۆرسىتىدۇ. ئىسىڭىزدە بولسۇنكى، چوقۇم بىلى ئىگىز يوپكا تاللاپ كىيىش كىرەك.