كۈندىلىك خىزمەتتە، ئىقتىدارىمىزنى يۇقىرى كۆتۈرۈشكە ئەھمىيەت بىرىشتىن باشقا، خىزمەتتىكى ئوبرازىمىزغىمۇ دىققەت قىلىشىمىز كىرەك؛ چۈنكى سىرتقى قىياپەت بىزنىڭ بەلگىلىرىمىزنىڭ بىرى بولۇپ، جەزبىدار ھەم رەتلىك كۆرۈنىدىغان ھالەتتە ياسىنىۋالغان خىزمەتچى ئاياللار ئادەمگە تېخىمۇ ياخشى تەسىرات ۋە ئىشەنچ تۇيغۇسى بىرىدۇ.

    كوپتا خىزمەتتىكى بەلگە خارەكتىرلىك ياسىنىش يەككە سەپلىمىسى بولۇپ ھىسابلىنىدۇ؛ ئەمما سىز سۇغۇرتا ساتقۇچىلارغا ئوخشاپ قالماي دىسىڭىز، ئۇنداقتا سىزنىڭ ياخشىراق كاللا قاتۇرۇپ تاللىشىڭىز توغرا كىلىدۇ.

    ئالدى بىلەن، ماتىريالى جەھەتتە پاختا رەخت، يىپەك قاتارلىق ئۆزىنى تاشلاپ تۇرىدىغان ماتىرياللارنى ئالدىن ئويلىشىشقا بولىدۇ.

 

    پاسون جەھەتتە، تىكىلىشى ئاددى، ئەمما لاھىيىلىنىش تۇيغۇسى مول كەلگەن پاسونلارنى تاللىماق لازىم.

    ئەلۋەتتە، رەڭ جەھەتتە ئاق رەڭ بىلەنلا چەكلىنىپ قالماي، رەڭلىك كوپتىلارنىمۇ سىناپ باقساق بولىدۇ؛ رەڭلىك كوپتا ئادەتتە ساپ رەڭلىك كوپتىلارغا قارىغاندا، سىزنى تېخىمۇ جانلىق كۆرسىتىدۇ.

    سۇغۇق چۈشۈشكە باشلىغان بۇ كۈنلەردە كوپتا ئۈستىگە چاپان (ياكى يېپىنچا) قوشماي بولمايدۇ؛ كاستوم بىلەن پلاش ھەم جەزبىدارلىق تۇيغۇسىغا ئىگە ھەم مودا كەلگەن ئۈستى يېپىنچا بولۇپ ھىسابلىنىدۇ.

   خىزمەت ئۈچۈن ياسىنىشتا، ئىشتان تاللاشمۇ بىرقەدەر ئاسان بولۇپ، ئاساسلىقى تەنھەرىكەت ئىشتىنى، دەرىجىدىن تاشقىرى قىسقا ئىشتان ۋە تۆشۈكچىلىرى زىيادە كۆپ تۆشۈكلۈك ئىشتان كىيىشتىن ساقلانساقلا، باشقا پاسوندىكى ئىشتانلار ئاساسى جەھەتتىن مەسىلە چىقمايدۇ.

   يۇقىرىدا تۇنۇشتۇرۇپ ئۆتكەن بارلىق يەككە سەپلىمىلەرنىڭ ھەممىسىنى يوپكا بىلەن ماسلاشتۇرۇپ كىيىشكە بولىدۇ؛ يوپكىنىڭ ئۆزىدە تەبىئى بار بولغان مۇلايىملىق خۇسۇسۇيىتى، سىزنىڭ ياسىنىشىڭىز ئۈچۈن تېخىمۇ كۆپ ئاياللىق نازاكىتى ئېلىپ كىلىدۇ، سىزنى مۇلايىم ھەم ئىقتىدارلىق كۆرسىتىدۇ.