ئەگەر بىر ئۆمۈر بىرلا سومكا كۆتۈرۈش لازىم بولسا، مىنىڭچە مۇتلەق كۆپ قىسىم خانىم-قىزلىرىمىز چوڭ تىپتىكى قول سومكىلىرىنى تاللايدۇ؛ چۈنكى سومكا چوڭ بولسا، كۈندىلىك لازىمەتلىكلەرنى تۇلۇق قاچىلاشقا بولۇپلا قالماي، يەنە تېخى ئادەمگە يىتەرلىك بىخەتەرلىك تۇيغۇسى بىرىدۇ.

   مودا ئېقىمىنىڭ ئالدىنقى مەيدانى بولغان مودا كىيىم ھەپتىلىكلىرىدىمۇ چوڭ شەكىلدىكى قول سومكىلىرىنىڭ سىمالىرى ئۈزۈلمىگەن بولۇپ، ئاللىبۇرۇنلا بۇيىللىق قول سومكىسىنىڭ مودا يۈزلىنىشىنى كۆرسىتىپ بەرگەن.

   سىغىمى چوڭ كەلگەن ھەم سۈپەتلىك كۆرنىدىغان قول سومكىسىدىن بىرسى بار بولۇش، خانىم-قىزلار مەبلەغ سېلىشقا تىگىشلىك بىرىنچى خىلدىكى يەككە سەپلىمىدۇر.

   يېقىنقى ئىككى يىلدا مودا بولۇۋاتقان، لاھىيىلىنىشى غەلىتە قول سومكىلىرىمۇ، سىزگە ئۆزگىچىلىك بېغىشلايدۇ.

   ئەگەر چوڭ قول سومكىلىرىنى مۈرىگە ئاسماي قولۇمدا كۆتۈرۋالىمەن دىسىڭىز، ئەڭ ياخشىسى ئۆزىنىڭ ئېغىرلىقى يىنىكرەك بولغان سومكىلارنى تاللىسىڭىز بولىدۇ؛ بۇنىڭدا يۇمشاق خرۇم ماتىرياللىق سومكىلار ئالدىنقى تاللاش بولالايدۇ.

   قولدا كۆتۈرۈشنى ياقتۇرمىسىڭىز، بىلىكىڭىزگە ئېسىۋالسىڭىزمۇ بولىدۇ؛ بۇ خىل كۆتۈرۈش ئۇسۇلىمۇ سىزنى لاتاپەتلىك كۆرسىتىدۇ ھەم مودىلىق تۇيغۇسىدىن قالمايدۇ.