ئاياللار ھەر كۈنى يېسە، قورۇققا قارشى تۇرۇپ، قېرىشنىڭ ئالدىنى ئالىدىغان يېمەكلىكلەر
ۋاقىتنىڭ ئۆتۈشىگە ئەگىشىپ، ئاياللار كۈندىن كۈنگە قېرىشقا باشلاپ، يۈزدىكى قورۇقلار كۆپىيىدۇ. تېرىنىڭ بالدۇر قېرىشىنىڭ ئالدىنى ئېلىش ئۈچۈن، كۈندىلىك تېرە ئاسراش، قوغداشتىن سىرت، يەنە يېمەكلىك بىلەن تېرە ئاسرىشى، قورۇق پەيدا بولۇشنىڭ ئالدىنى ئېلىشى كېرەك.
قېرىشنىڭ ئالدىنى ئالىدىغان يېمەكلىك1: ئالما
ئامېرىكىدا كۈندە بىر ئالما يېگەنلىك، دوختۇردىن يىراق تۇرغانلىق دەيدىغان ئەقلىيە سۆزى بار. ئالمىنىڭ تەركىبىدە سېللۇلوزا، ۋىتامىنC ۋە قەنت بولۇپ، تېرىدە قاپارتما پەيدا بولۇشنىڭ ئالدىنى ئېلىپ، تېرىنىڭ پارقىراقلىقىنى ساقلايدۇ. ئالما يەنە ئورۇقلاشنىڭ ياخشى ياردەمچىسى بولالايدۇ.
قېرىشنىڭ ئالدىنى ئالىدىغان يېمەكلىك2: قېتىق
قېتىقنىڭ ھەزىمگە پايدىسى بولۇپ، ئۈچەي يولى يۇقۇملىنىشىنىڭ ئۈنۈملۈك ئالدىنى ئېلىپ، ئادەم بەدىنىنىڭ ئىمۇنىتېت كۈچىنى ئۆستۈرىدۇ. ئادەتتىكى كالا سۈتىگە سېلىشتۇرغاندا، قېتىقنىڭ ياغ تەركىبى تۆۋەن، كالتسىي مىقدارى يۇقىرى بولۇپ، يەنە مول ۋىتامىنB2 قاتارلىقلار بار. بۇ ئىلمېنىتلارنىڭ ئادەم بەدىنىگە بولغان پايدىسى ئىنتايىن كۆپ بولۇپ، سەمىرىشتىن ئەندىشە قىلمىسىمۇ بولىدۇ.
قېرىشنىڭ ئالدىنى ئالدىنى ئالىدىغان يېمەكلىك3: شاكىلات
شاكىلات قىزلارنىڭ ياقتۇرۇپ يەيدىغان يېمەكلىكى. شاكىلات كىشىلەرنى دەماللىققا ھاياجانلاندۇرىدۇ. چۈنكى شاكىلاتنىڭ تېنىچلاندۇرۇش رولى بولۇپ، ئۇنىڭ پۇرىقى ۋە تەمى كىشىلەر چوڭ مېڭىسىنىڭ خوشاللىق مەركىزىي نېرۋىسىنى غىدىقلاپ، كىشىلەرنى خوشاللاندۇرىدۇ. كەيپىيات ياخشىلانسا، كىشىمۇ تەبىئىيلا قېرىمايدۇ.
قېرىشنىڭ ئالدىنى ئالىدىغان يېمەكلىك4: پۇرچاق ئۇيۇتمىسى (دۇفۇ)
بېلىق، راك تۈردىن باشقا، پۇرچاق ئۇيۇتمىسى ئاقسىلنىڭ كۆڭۈلدىكىدەك كېلىش مەنبەسى. شۇنىڭدەك، پۇرچاق تۈرىدىكى يېمەكلىكلەردە ئىزوفلاۋوندىن ئىبارەت خىمىيەتلىك ماددا بولۇپ، كۈچلۈك بولغان ئانىلىق ھورمۇننىڭ ھەرىكەت بوشلۇقىنى ئازايتىدۇ. ئەگەر سۈت بېزى راكىغا گىرىپتار بولۇشتىن ئەنسىرىسىڭىز، دائىم پۇرچاق تۈردىكى يېمەكلىكلەرنى ئىستىمال قىلىپ بېرىڭ.
قېرىشنىڭ ئالدىنى ئالىدىغان يېمەكلىك5: پالەك
پالەك ئاياللاردىكى قان ئازلىقنىڭ ئالدىنى ئېلىپ، بەدەن ساپاسىنى كۈچەيتىپ، تېرىسىنى ياخشىلاپ، زەھەر چىقىرىپ ھەمدە كۆرۈش قۇۋۋىتىنى قوغداپ، كەيپىياتىنى تەڭشەيدۇ. تۆمۈر كەملىكتىن بولغان قان ئازلىقتىن يىراقلاشتۇرىدۇ. پالەكتىكى يوپۇرماق كىسلاتاسى بولغۇسى ئانىلار ئۈچۈن تولىمۇ مۇھىم، ھامىلدارلىق مەزگىلىدە يېتەرلىك يوپۇرماق كىسلاتاسى تولۇقلىغاندا، يېتىلىشى بىنورمال بوۋاق تۇغۇلۇشتىن ساقلانغىلى، يەنە يېڭى تۇغۇلغان بوۋاقلاردىكى ئاق قان كېسىلى، تۇغما يۈرەك كېسەللىقى قاتارلىق كېسەللىكلەرنىڭ ئېھتىماللىقىنى تۆۋەنلەتكىلى بولىدۇ.
قېرىشنىڭ ئالدىنى ئالىدىغان يېمەكلىك6: بەرەڭگە
بەرەڭگە ئائىلىدىكى دائىم ئۇچرايدىغان كۆكتاتلارنىڭ بىرى. بەرەڭگە كۆپ يەپ بەرگەندە قۇرغاققا مايىل ئىسسىقلىق، قەۋزىيەت قاتارلىقلارنى پەسەيتىدۇ، يەنە ئاشقازان-تالنى قۇۋەتلەپ، قۇۋەتنى ئاشۇرۇپ، ئۈچەينى نەمدەپ، كۆز خالتىسىنى يوقىتىدۇ. بەرەڭگە ياپراقچىسىنى كۆزگە چاپلىغاندا، كۆز خالتىسى پەيدا بولۇشنىڭ ئالدىنى ئالىدۇ.
新公网安备 65010202000516号 
