يېقىنقى يىللاردىن بۇيان، بالىياتقۇ ئۆسمىسى كۆرۈلگەن ئاياللارنىڭ سانى بارغانسېرى كۆپىيىپ كەتتى. ھەممىمىزگە مەلۇملۇق، بۇ خىل كېسەللىك، كۆپىنچە 50-35 ياش ئارىسىدىكى ئاياللاردا كۆرۈلىدۇ؛ لېكىن يېقىنقى يىللاردىن بويان، بۇ كېسەللىكنىڭ كۆرۈلۈش دائىرىسى، بارغانسېرى  ياشلىشىشقا قاراپ يۈزلەنمەكتە. ئەمەلىيەتتە، بۇ خىل كېسەللىك كۈندىلىك ناچار تۇرمۇش ئادەتلىرى ۋە يېمەك-ئىچمەك ئادىتى بىلەن مۇناسىۋەتلىك بولىدۇ. بالىياتقۇ ئىنتايىن ئاجىز بىر ئەزا، ئەگەر ۋاقتىدا تەڭشەش ئېلىپ بارمىغاندا، بالىياتقۇ ئۆسمىسى تەدرىجىي ھالدا سىزگە يېقىنلىشىدۇ. تۆۋەندىكى يېمەكلىكلەر، بالىياتقۇ ئۆسمىسىنىڭ "تەبىئىي دۈشمىنى" بولۇپ، ئاياللار كۆپلەپ ئسىتېمال قىلىپ بەرسە، قاننى جانلاندۇرۇپ بالىياتقۇدىكى ئۆسمىنى يوقىتىدۇ، سىزنىڭ بالىياتقۇڭىز سىزگە رەھمەت ئېيتىدۇ.

داڭگۇي يىلتىزىنى سۇغا چىلاپ ئىچىش
   داڭگۇي يىلتىزىنىڭ(归根) بەلگىلىك دەرىجىدە قان جانلاندۇرۇش ئۈنۈمى بار بولۇپ، ئەگەر ئۇنى سۇغا چىلاپ ئىچىشنى داۋاملاشتۇرساق، بالىياتقۇ ئىچكى قىسىمدىكى قان ئايلىنىشنى ئىلگىرى سۈرۈپ، بالىياتقۇ ئىچىدىكى قېيىۋالغان قان ۋە زەھەرلىك ماددىلارنى بەدەننىڭ سىرتىغا ھەيدەپ چىقىرىدۇ ھەمدە بۇ ئارقىلىق بالىياتقۇنى تېخىمۇ پاكىزە قىلىدۇ.

كۆممىقوناق
   كۆممىقوناق تەركىبىدە سېلىن ماددىسى بىلەن ماگنىي ماددىسى مول؛ بۇ ئىككى خىل ماددىنىڭ راكنىڭ ئالدىنى ئېلىش ۋە راكقا قارشى تۇرۇش رولى بار بولۇپلا قالماي، ئۇ يەنە ئۈچەينىڭ قىمىرلىشىنى ئىلگىرى سۈرۈپ، بەدەندىكى كېرەكسىز ماددىلارنى بەدەن سىرتىغا چىقىرىۋېتىشكە پايدىلىق بولىدۇ. ئۇنىڭ ئۈستىگە بالىياتقۇ ئۆسمىسى، ھۆل بەلغەملىك ئۇيۇشما قان سەۋەبىدىن شەكىللىنىدىغان بولۇپ، كۆممىقوناقنىڭ بولسا ئىششىقنى ياندۇرۇش رولى بار. شۇڭا بالىياتقۇ ئۆسمىسى بار ئاياللار، كۆممىقوناقنى كۆپرەك يەپ بەرسە بولىدۇ.

دۇريان دەرىخى(榴莲)
   دۇريان دەرىخىنىڭ تەبىئىتى ئىسسىق بولۇپ، قاننى جانلاندۇرۇپ سوغۇق يەلنى ھەيدەش، ھەيىز ئاغرىتىپ كېلىشنى ياخشىلاش قاتارلىق ئۈنۈملىرى بار، ھەيىز ئاغرىتىپ كېلىش ئازابىنى تارتىۋاتقان ئاياللارنىڭ ئېستىمال قىلىشىغا تولىمۇ ماس كېلىدۇ. ئۇ يەنە قورساق قىسىمغا سوغۇق ئۆتۈپ قېلىش ئالامەتلىرىنى ياخشىلىيالايدىغان بولۇپ، بەدەن تىمپىراتۇرۇسىنىڭ يۇقىرى ئۆرلىشىنى ئىلگىرى سۈرىدۇ، بالىياتقۇسى سۇۋۇپ كەتكەنلەر ۋە سوغۇق تەبىئەتلىك كىشىلەر ئۈچۈن ئەڭ ياخشى قۇۋۋەت ماددىسى بولۇپ ھېسابلىنىدۇ.

قارا بۆلجۈرگەن(黑莓)
   قارا بۆلجۈرگەن تەركىبىدىكى ۋىتامىن Cنىڭ مىقدارى ئىنتايىن يۇقىرى بولۇپ، يۈرەك قان تومۇرلىرىنىڭ ساغلاملىقىنى ساقلاشقا، قان بېسىمنى تۆۋەنلىتىشكە پايدىلىق؛ بىرلا ۋاقىتتا، ئۇ يەنە ئادەم بەدىنىنىڭ تۆمۈر ماددىسىنى سۈمۈرۈشىنى ياخشىلاپ، قان ئازلىق كۆرۈلۈش نىسبىتىنى تۆۋەنلىتىدۇ.