بۈگۈن كەڭ خانىم-قىزلىرىمىزنىڭ دىققىتىگە، تىرە ئاسراپ چىراي گۈزەل لەشتۈرۈش ئۈنۈمىگە ئىگە ئۈچ خىل يىمەكلىكنى تۇنۇشتۇرىمىز؛ بۇ ئۈچ خىل يىمەكلىكنى دائىم ئىستىمال قىلىپ بەرسىڭىز، يۈز چاپلاققا پۇلنى ئازراق خەجلىسىڭىزمۇ بولىدۇ!
شاپتۇل يىلىمى
شاپتۇل يىلىمى، شاپتۇل دەرىخى ياكى تاغ شاپتۇلى دەرىخىنىڭ قوۋزىقىدىن ئاجرىلىپ چىققان دەرەخ يىلىمىنى كۆرسىتىدىغان بولۇپ، ئادەتتە شاپتۇل مېيى دەپمۇ ئاتىلىدۇ. شاپتۇل يىلىمىنىڭ قان تازىلاپ قاننىڭ ماي تەركىبىنى تۆۋەنلىتىش، روھى بېسىمنى يىنىكلىتىش، قورۇق چۈشۈشنىڭ ئالدىنى ئېلىپ تىرىنى يۇمرانلاشتۇرۇش قاتارلىق ئۈنۈملىرى بار بولۇپ، ئىنتايىن يۇقىرى ئۇزۇقلۇق قىممىتى ۋە دورىلىق قىممىتىگە ئىگە. ئاياللار شاپتۇل يىلىمىنى كۆپرەك ئىستىمال قىلىپ بەرسە، ئاشقازاننىڭ ھەزىم قىلىشى ۋە ئۈچەي يوللىرىنىڭ سۈمۈرۈپ قوبۇل قىلىشىنى ئىلگىرى سۈرۈش بىلەن بىر ۋاقىتتا، يەنە قەۋزىيەتنى ياخشىلاش رولىنى ئوينايدۇ؛ ئۈچەينىڭ قىمىرلىشىنى ئىلگىرى سۈرۈپ، ئاشقازان ۋە ئۈچەيدە يېغىلىپ قالغان ئەخلەتلەرنى ئازايتىدۇ. بۇندىن باشقا، شاپتۇل يىلىمى يەنە تىرىگە كوللاگىنلىق ئاقسىل تۇلۇقلىيالايدىغان بولۇپ، تىرىنى تېخىمۇ يۇمران ھەم ياخشى قىلىۋىتىدۇ.
ئاق قېرىنقولاق
ئاق قېرىنقولاق يەنە قار قېرىنقولاق دەپمۇ ئاتىلىدۇ. ئاق قېرىنقولاق تەركىبىدە، ئادەم بەدىنىگە ئىنتايىن پايدىلىق بولغان ئۆسۈملۈك يىلىمى ۋە شىلىمشىق سۇيۇقلۇق ماددىسى بار بولۇپ، بۇ ماددىلار ئۈچەي يولىدىكى كىرەكسىز ئەخلەتلەرنى پارچىلاپ، بەدەن سىرتىغا چىقىرۋىتەلەيدۇ. ئاق قېرىنقولاقنى دائىم ئىستىمال قىلغاندا، مۇئەننەسنى قۇۋۋەتلەپ چىراي گۈزەل لەشتۈرۈش، ئاشقازان ۋە ئۆتنى ياخشىلاش ئۈنۈمىنى كۆرسىتىدۇ. بۇندىن باشقا، ئاق قېرىنقولاقنىڭ يەنە تىرىگە ھۆللۈك يەتكۈزۈپ، تىرىدىكى داغلارنى يوقىتىش رولى بار بولۇپ، تىرىڭىزنى تېخىمۇ سىلىق ھەم نۇرلۇق قىلىدۇ.
كۇلى بىھىسى(木瓜)
كۇلى بىھىسى، ئىنتايىن ئادەتتىكىچە بىر خىل مىۋە؛ بىراق، ئۇنىڭ تەركىبىدە كۇلى بىھىسى ئېچىتقۇ ماددىسى بار بولۇپ، ئۆتنى ساغلاملاشتۇرۇپ ئاشقازان ئۈچەيدە يېغىلىپ قالغان يىمەكلىكلەرنى يوقىتىدۇ ھەمدە تىرىنى ئاقارتىپ، ئاشقازان ئۈچەي يوللىرىنىڭ يىمەكلىكنى ھەزىم قىلىپ سۈمۈرۈشىنى ئىلگىرى سۈرىدۇ ۋە بۇ ئارقىلىق مىتابولىزىمنى ئىلگىرى سۈرۈش رولىنى ئوينايدۇ. كۇلى بىھىسى، ياشلار ۋە ھامىلدار ئاياللاردىكى ھورمۇنلارنىڭ فىزىلوگىيىلىك مىتابولىزىم تەڭپۇڭلىقىنى كۈچەيتىپ، تىرىگە ھۆللۈك يەتكۈزىدۇ ۋە چىراي گۈزەل لەشتۈرىدۇ. كۇلى بىھىسى ئېچىتقۇ ماددىسىنىڭ يەنە تېخى تىرە يۈز قىسمىدىكى قېرىغان مۈڭگۈزسىمان قەۋەتنى چۈشۈرۈپ يوقىتىش رولى بار بولۇپ، بۇ سەۋەپلىك كۆپ خىل گىرىم بۇيۇملىرى ئىشلەپچىقىرىشتا خام ماتىريال قىلىپ ئىشلىتىلىدۇ. بۇندىن باشقا، كۇلى بىھىسى تەركىبىدە β-كاروتىن ماددىسى مول؛ بۇ خىل ماددا، تەبىئى بىر خىل ئوكسىدلىنىشقا قارشى تۇرغۇچى ماددا بولۇپ، پۈتۈن بەدەندىكى ھۈجەيرىلەرنىڭ ئوكسىدلىنىپ كىتىشىگە ئۈنۈملۈك ھالدا قارشى تۇرۇپ، ئادەم بەدىنىنىڭ قېرىپ كىتىشىنى تىزلىتىدىغان ئەركىن رادىكاللارنى بۇزغۇنچىلىققا ئۇچرىتىدۇ. شۇنىڭ ئۈچۈن، كۇلى بىھىسىنى دائىم ئىستىمال قىلغاندا، تىرىنى ئاسراپ ھۆسىن گۈزەل لەشتۈرۈش، قېرىشنى ئاستىلىتىش ئۈنۈمىگە ئىرىشكىلى بولىدۇ.
新公网安备 65010202000516号 
