قېرىپ كىتىش، ھەرقانداق بىر ئايال كىشى يۈزلىنىشنى خالىمايدىغان بىر ئىش بولۇپ، يۈزلىرىگە قورۇقچىلار چۈشۈش قاتارلىق ئەھۋاللار كۆرۈلسە، بىر ئاماللارنى قىلىپ ئۇنى يۇشۇرۇشقا ئۇرۇنۇپ، ياكى گىرىم بۇيۇملىرى ئىشلىتىدۇ ياكى تىرىسىنى ئاسراشقا كۈچەيدۇ. بىراق، ياشنىڭ ئېشىشىغا ئەگىشىپ بەدەندىكى ئىچكى ئەزالاردىمۇ ئۆزگىرىش كۆرۈلۈشكە باشلايدىغان بولۇپ، بۇنى سىرتقى ئاسراش ئۇسۇلى ئارقىلىق ياخشىلىغىلى بولمايدۇ. شۇنىڭ ئۈچۈن، ئاياللارنىڭ سىرتقى ئىپادىلەرگە دىققەت قىلىپلا قالماي، يەنە ئىچكى ئامىللارغا قارىتامۇ تەڭشەش ئېلىپ بېرىشى لازىم بولىدۇ. ئادەتتە، ئاياللار قېرىشقا باشلىغان ۋاقىتتا، ئۇلارنىڭ بۇ ئۈچ يىرى كىچىكلەشكە باشلايدۇ.

كۆز كىچىكلەشكە باشلايدۇ
   ھەرقانداق ئادەم كۆزلىرىنىڭ چوڭ ھەم نۇرلۇق بولۇشىنى ئۈمىد قىلىدۇ؛ بىراق ئادەم بەدىنىنىڭ قېرىشىغا ئەگىشىپ، ئەسلىدە يوغان كەلگەن كۆزلەرمۇ بارغانسىرى كىچىكلەشكە باشلايدۇ. چۈنكى، كۆز قىسىم ئەڭ ئاسان قېرىيدىغان جاي بولۇپ، كۆز ئەتراپىدىكى تىرىلەرمۇ ئىنتايىن نىپىز كىلىدۇ؛ بۇنداق ئەھۋالدا، كۆز ئەتراپى تىرىلىرى سۇ تەركىبى، كوللاگىنلىق ئاقسىل ۋە تىرە ئاستى ئورگانىزىملىرىنى يوقىتىشقا باشلىغان ۋاقىتتا، بوشىشىشقا ۋە ساڭگىلاشقا باشلاپ ھەمدە بۇنىڭغا كۆز ئەتراپىدىكى بەزى ئىنچىكە قورۇقچىلار قوشۇلۇپ، ئادەمنىڭ كۆز ھەم كىچىك ھەم جانسى كۆرىنىدۇ.

تۈك خالتىلىرى كىچىكلەشكە باشلايدۇ
    چاچنىڭ قويۇقلۇق دەرىجىسى ۋە چاچ ئالدى سىزىقچىلىرىنىڭ ئېگىز پەسلىكى، ئەمىلىيەتتە بىر ئايال كىشىنىڭ يېشىنى ئىپادىلەپ بىرىدۇ. 35ياشتىن ئاشقاندىن كىيىن، ئاياللارنىڭ تۇخۇمدان ئىقتىدارى ئاستا-ئاستاغىنا يوقايدىغان بولۇپ، ئاياللىق ھورمۇنىنىڭ ئازىيىشى، باش تىرە تۈك خالتىچىلىرىنىڭ قۇۋۋەت يىتىشمەسلىك سەۋەبىدىن بارغانسىرى كىچىكلەپ قېلىشىنى كەلتۈرۈپ چىقىرىپ، ئاخىرىدا چاچ پارقىراقلىقىنى يوقىتىدۇ ھەمدە ئاسانلا چاچ چۈشىدىغان بولۇپ قالىدۇ.