ئىشىنىمەنكى، ھەرقانداق بىر ئايال كىشى كىيىم بىلەن ياسىنىش ئارقىلىق، ئۆزىنى تېخىمۇ لاتاپەتلىك ھەم گۈزەل كۆرسىتىشنى ئويلايدۇ. بىراق، نۇرغۇن كىشىلەر لاتاپەتلىك بولۇش بىلەن چىرايلىق كۆرۈنۈشنى بىر-بىرىگە ئارىلاشتۇرۋەتمەيدۇ؛ كۆپ قىسىم كىشىلەرگە نىسبەتەن ئېلىپ ئېيتقاندا، چىرايلىق بولۇش دىگەن چىرايلىق بولۇش، لاتاپەتلىك بولۇش بولسا لاتاپەتلىك بولۇش، ئىككىسى ئىككى خىل ئۇقۇم دەپ قارايدۇ. لىكىن، بەزىبىر ئاددى ئۇسۇللار، سىزنى قارىماققا ھەم جەلپكار ھەم لاتاپەتلىك كۆرسىتىدۇ. تۆۋەندە بىز بىرلىكتە، ھەم چىرايلىق ھەم لاتاپەتلىك كۆرسىتىدىغان ئۇسۇللارنى كۆرۈپ باقايلى.
رەخت ماتىريالىنى توغرا تاللاش
    سىز كىيىم سېتىۋالماقچى بولغىنىڭىزدا، ئۇلارنىڭ تەگ ماتىريالىغا دىققەت قىلىشىڭىز كىرەك. ئوخشاش بولمىغان رەختلەرنىڭ ئوخشاش بولمىغان سىزىقچىلىرى بار بولۇپ، ئۇلار ياكى سىزنىڭ بەدەن شەكلىڭىزنىڭ ئەڭ ياخشى قىسىملىرىنى گەۋدىلەندۈرىدۇ، ياكى سىزنى قارىماققا ناھايىتى رەتسىز كۆرسىتىپ قويىدۇ. مەسىلەن يىپەكنى ئېلىپ ئېيتساق، ئۇ سىزنى تېخىمۇ چىرايلىق ھەم تەنناز كۆرسىتەلەيدۇ؛ چۈنكى سىز ھەربىر مىدىرلاپ ھەرىكەتلەنگەندە، بۇ خىل رەخت ماتىريالى خۇددى سۇغا ئوخشاش بەدىنىڭىزدە لىغىلداپ تۇرىدۇ.

بەدەن شەكلىڭىزنى قۇرۇپ چىقىش
    بەدەنگە چىڭ كىلىدىغان كىيىم كەيمىسىڭىزمۇ، جەلپكار بەدەن شەكلىنى گەۋدىلەندۈرگىلى بولۇشى مۇمكىن. مەسىلەن، سىز كەڭ كىلىدىغان پوپايكىدىن بىرنى كىيىۋالغان بولسىڭىز، ئۇنى ئەگەر يوپكىڭىزنىڭ ئىچىگە تىقىۋالسىڭىز، بۇنىڭدا ئوخشاشلا باشقىلارنىڭ بىلىڭىزگە بولغان دىققىتىنى قوزغىيالايسىز؛ چۈنكى، بۇ خىل ماسلاشتۇرۇش سىزنىڭ بەل قىسمىڭىزنى تېخىمۇ ئۇرۇق كۆرسىتىدۇ. بۇندىن باشقا، ئەگەر چاپان ياكى پەلتۇمۇ كەڭ بولۇپ قالسا، سىز ئوخشاشلا بىلىڭىزگە بەلباغ تاقىۋىلىش ئارقىلىق، بەل قىسمىڭىزنى گەۋدىلەندۈرەلەيسىز.

يىڭى رەڭلەرنىمۇ سىناپ بېقىش
    كىشىلەر، قارا رەڭ ھەممىلا ئادەمگە يارىشىدۇ دەپ قارايدۇ، بۇ بەلكىم راست بولۇشى مۇمكىن؛ قارا رەڭ، ھەقىقەتەنمۇ سىزنى تېخىمۇ ئۇرۇق كۆرسىتىدىغان بولۇپ، سىزنىڭ سىرلىق جەلپكارلىقىڭىزنى قوزغىتالايدۇ. بىراق، يەنە نۇرغۇنلىغان رەڭلەر سىزنى تېخىمۇ چىرايلىق كۆرسىتەلەيدۇ. مەسىلەن، سىز ئەگەر ھەممىنىڭ دىققىتىنى تارتىشنى ئويلىسىڭىز، ئۇنداقتا قىزىل رەڭلىك كىيىم كىيىپ سىناپ باقسىڭىز بولىدۇ. ئەگەر سىز ئاياللىق نازاكىتىڭىزنى گەۋدىلەندۈرۈپ چىقارماقچى بولسىڭىز، ئۇنداقتا شاپتۇل چىچىكى، سۇس كۆك ياكى ئاچ سېرىق رەڭلىك كىيىملەرنى سىناپ باقسىڭىز بولىدۇ.

ئۆزىڭىزگىلا خاس بولغان چاچ پاسونى
    شۇنداق دىيىشكە بولىدۇكى، چاچ پاسونىڭىز، سىنىڭ خان تاجىڭىز؛ بۇ دەل ئۆزىڭىز ئۈچۈن مۇكەممەل بولغان بىر چاچ پاسونى تېپىپ چىقىڭ دىيىشىمىزنىڭ سەۋەبىدۇر. ئالدى بىلەن، سىز ئۆزىڭىزگە ماس كىلىدىغان چاچ پاسونى تاللىشىڭىز كىرەك بولۇپ، بۇنى ئادەتتە سىزنىڭ چىراي شەكلىڭىز بەلگىلەيدۇ. ئەگەر سىزنىڭ چىرايىڭىز ئىللىپىس شەكلىدە بولسا، ئۇنداقتا ئاساسى جەھەتتىن ھەرقانداق چاچ پاسونلىرىنىڭ ھەممىسى سىزگە ماس كىلىدۇ؛ ئەگەر چىرايڭىز ئۇزۇنچاق بولسا، قىسقا چاچ پاسونىنى سىناپ باقسىڭىز بولىدۇ؛ ئەگەر چىرايىڭىز يۇمىلاق شەكىلدە بولسا، زاڭىقىڭىزغا چۈشكەن قىسقا چاچ پاسونى سىناپ باقسىڭىز بولىدۇ.