بالىياتقۇ بولسا ئاياللارنىڭ ئەڭ مۇھىم بولغان كۆپىيىش ئەزاسى بولۇپ، ئاياللارنىڭ تەن سالامەتلىكىگە بىۋاستە باغلىنىشلىق بولىدۇ. شۇنىڭ ئۈچۈن، كۈندىلىك تۇرمۇشتا، بالىياتقۇنى ياخشى ئاسراش ئىنتايىن مۇھىم؛ ئەمما، تۆۋەندىكى قىلمىشلار بالىياتقۇغا ئىنتايىن زىيانلىق بولۇپ، ئاياللار ئىمكانىيەتنىڭ بارىچە ساقلانماق لازىمدۇر.

كۆپ قېتىم ھامىلدار بولۇش
    تەتقىقاتلاردا بايقىلىشىچە، ئەگەر ئاياللار ئۈچ قېتىمدىن ئارتۇق ھامىلدار بولغان بولسا، ئۇنداقتا ئۇلارنىڭ بالىياتقۇ كىسەللىكىگە گىرىپتار بولۇش نىسبىتى باشقا ئاياللارغا قارىغاندا يۇقىرى بولىدۇ.
كۆپ قېتىم بالا چۈشۈرۈش ئوپراتسىيەسى قىلدۇرۇش
    كۆپ قېتىم بالا چۈشۈرۈش ئوپراتسيەسى قىلدۇرۇش، بولۇپمۇ قىسىقا مەزگىل ئىچىدە كۆپ قېتىم بالا چۈشۈرۈشنىڭ بالىياتقۇغا ئېلىپ كىلىدىغان زىيىنى ئىنتايىن چوڭ. ئەمىلىيەتتە، نۇرغۇن ئاياللارنىڭ بالىلىق بولالماسلىقى، ئۇلارنىڭ ئىلگىرى بالا چۈشۈرۈش ئوپراتسىيەسىنى كۆپ قىلدۇرغانلىقىدىن بولىدۇ.

غەلىتە شەكىللەنگەن ھامىيلە، قوشكىزەك ۋە كۆپكىزەك ھامىيلە
   غەلىتە شەكىللىنىپ قالغان ھامىيلە ۋە قوشكىزەك ياكى كۆپكىزەك ھامىيلە تۇغۇت جەريانىدا، ھامىلدار ئايالنىڭ تۇغۇتى كۆپىنچە قىيىنلىشىپ قالىدۇ، بۇنىڭ بىلەن بىرگە بالىياتقۇ ۋە ھامىلدار ئايالنىڭ تەن سالامەتلىكىگە تەسىر يەتكۈزىدۇ. شۇڭا ئەگەر، ھامىلدارلىق مەزگىلىدىكى تەكشۈرۈشتە ھامىيلىنىڭ غەلىتە شەكىللەنگەن ھامىيلە ئىكەنلىكى ياكى قوشكىزەك، كۆپكىزەك ئىكەنلىكى بايقالسا، ھامىلدار ئايال پۈتكۈل ھامىلدارلىق مەزگىلى ۋە تۇغۇت ئالدى كەينىدە دوختۇرنىڭ داۋالاش پىكىرى ۋە كۈتۈنۈش تەۋسىيەلىرىگە يېقىندىن ماسلىشىش كىرەك.
تۇغۇت تەكشۈرۈشى قىلدۇرماسلىق
    نۇرغۇن ھامىلدار ئاياللار ھامىلدارلىق مەزگىلىدە تۈزۈك تەكشۈرۈش قىلدۇرمايدۇ، بۇنداق ئەھۋالدا، ئەگەر ھامىلدار ئايالدا ياكى ھامىيلىدە بىنورماللىق كۆرۈلگەن بولسا، بۇنى ۋاقتىدا بايقاشقا ئامالسىز قېلىپ، ئېغىر بولغاندا تۇغۇت قىيىنلىشىش ياكى بالىياتقۇ يىرتىلىپ كىتىش قاتارلىق ئەھۋاللارنى كەلتۈرۈپ چىقىرىدۇ.

جىنسىي تۇرمۇشتا پاكىزلىققا دىققەت قىلماسلىق ياكى جىنسىي تۇرمۇش قالايمىقان بولۇش
   ئەگەر جىنسىي تۇرمۇش جەريانىدا تازىلىققا ئەھمىيەت بەرمىگەندە، كىسەللىك ۋىرۇسلىرى جىنسىي يولدىن بالىياتقۇ بوشلۇقىغا كىرىپ، بالىياتقۇ ئىچكى پەردىسى ياللۇغى قاتارلىق كىسەللىكلەرنى كەلتۈرۈپ چىقىرىدۇ. بۇندىن باشقا، ئايال كىشى جىنسىي تۇرمۇش جەھەتتە ئۆزىنى زىيادە قويۇۋەتسە ياكى قورامىغا يەتمەي تۇرۇپ جىسنى تۇرمۇش ئۆتكۈزگەن بولسا، ئۇنداقتا ئاسانلا ئاياللار كىسەللىكىگە گىرىپتار بولۇپ قالىدۇ.
ھامىلدارلىق مەزگىلىدە جىنسىي تۇرمۇش ئۆتكۈزۈش
    يىڭى ھامىلدار بولغان ۋاقىت ۋە تۇغاي دەپ قالغان ۋاقىتتا جىنسىي تۇرمۇشنى توختىتىش كىرەك، بولمىغاندا بالا چۈشۈپ  كىتىش ياكى بالا بالدۇر تۇغۇلۇپ  قېلىش خەۋىپى تۇغۇلىدۇ، يەنە تېخى بالىياتقۇنى زەخمىگە ئۇچرىتىدۇ.