ئاياللار، ئەر كىشى بىلەن بولغان ئالاقە جەريانىدا، ئاجىزراق بولۇشقا تىگىشلىك بولغاندا، مۇۋاپىق تۈردە ئاجىزراق كۆرۈنۈپ، بۇ ئارقىلىق ئەركىشىنىڭ قوغداش ئىستىكىنى قوزغاپ، ئۇلارنىڭ تېخىمۇ بەكرەك قەدىرلىشىنى قولغا كەلتۈرۈشكە تىرىشسا بولىدۇ. بىراق، قەيسەر بولۇشقا تىگىشلىك ۋاقىتتا، ئاياللار ئاجىزلىقنى ئىپادىلەپ قويسا قەتئى بولمايدۇ. چۈنكى، بەزى ۋاقىتلاردا ئاياللارنىڭ كۆز يېشى ئۇلارنىڭ قەدىر قىممىتىنى تۆۋەنلىتىۋىتىدىغان بولۇپ، ئەر كىشى بۇ سەۋەپلىك ئۇلارغا ئىتىبار بىلەن قارىمايدىغان ئەكسىچە ئۈنۈم كۆرسىتىپ قالىدۇ. ئەمىلىيەتتە، يات جىنىسلىقلار مۇناسىۋىتى جەريانىدا، ئاياللار بۇ ئۈچ ۋاقىتتا يىغلىمىسا، ئەر كىشى ئەكسىچە ئۇلارغا تېخىمۇ ئىتىبار بىلەن قارايدىغان بولىدۇ.

ئەر كىشى خاتالاشقان ۋاقىتتا يىغلىماسلىق
   ئەر كىشى خاتالىق ئۆتكۈزگەندە، ئاياللار كۈچلۈكرەك خارەكتىرى ئىپادىلەپ، ئۆزىنىڭ پوزىتسىيىسىنى يۈرەكلىك ھالدا ئىپادىلىسە بولىدۇ؛ ئەمما ھەرگىز ئاسانلىقچە ئەر كىشى ئۈچۈن كۆز يېشى قىلماسلىق كىرەك، بولمىغاندا ئۆزىنىڭ ئۇنىڭدىن ئايرىلالمايدىغاندەك تۇيغۇ بىرىپ قويىدۇ. ھەمدە ئايال كىشىگە بەك ئىتىبار بىلەن قاراپ كەتمەيدىغان بولىدۇ. شۇڭا، ئەر كىشى خاتالىق ئۆتكۈزگەندە، ئايال كىشى ئۇنىڭغا قاتتىقراق پوزۇتسىيەدە بولۇپ، ئەر كىشىگە ئۆزىنىڭ خاتالىقىنى تۇنۇتۇشى كىرەك.

ئۆزى ئوڭۇشسىزلىققا ئۇچرىغان ۋاقىتتا يىغلىماسلىق
   ئاياللار ئوڭۇشسىزلىققا ئۇچرىغان ۋاقىتتا، ئەر كىشىگە مۇۋاپىق تۈردە دەرت تۆكسە بولىدۇ، ئەمما چەكتىن ئاشقان ئاجىزلىق ئىپادىلىمەسلىكى كىرەك. ئاياللار قەيسەر بولۇشقا تىگىشلىك بولغان ۋاقىتتا چوقۇم قەيسەر بولۇشى لازىم؛ بولمىغاندا، ئەر كىشى ئۇلارنىڭ ئىچكى دۇنياسىنىڭ بەرداشلىق كۈچى ئاجىز ئىكەن دەپ ئويلاپ قالدۇ. بۇنداق ئەھۋالدا، ئەر كىشى دەسلىۋىدە ئايال كىشىگە تەسەللى بىرىپ، بەلگىلىك دەرىجىدە ياردەم قىلىشى مۇمكىن؛ بىراق ۋاقىتنىڭ ئۆتىشىگە ئەگىشىپ، ئەر كىشى ئايال كىشىنى ئاۋارىچىلىق كۆرۈپ، ئۇلاردىن يېراقلىشىپ كىتىدۇ.