نۇرغۇن خانىم-قىزلار، ئورنىدىن تۇرغاندىن كىيىن، ئەڭ ئالدى بىلەن يۈزىنى يۇيىدۇ. ئادەتتە كۈندۈزدە يۈزىمىز يۇيغان ۋاقىتتا يۈز يۇيۇش سۇيۇقلۇقى ئىشلىتىپ يۇساق بولىدۇ؛ ئەمما كەچتە، ئالدى بىلەن گىرىملىرىمىزنى پاكىزە چىقىرۋەتكەندىن كىيىن ئاندىن يۇيىشىمىز كىرەك.

    پاختىلىق پالكۇچىنى تىرە ئاسراش سۇيۇقلۇقىغا تەككۈزگەندىن كىيىن، پاختىلىق پالكۇچ بىلەن يۈزىمىزنى سۈرتىمىز؛ بۇنىڭدا يۈزنى ئىككىنچى قېتىم يۇيۇش رولىنى ئوينايدۇ. ئەگەر نەملىك ساقلاش قىلماقچى بولساق، ئۇنداقتا تىرە ئاسراش سۇيۇقلۇقىنى بىۋاستە ئالقىنىمىزغا سۈرگەندىن كىيىن، ئالقانلىرىمىز بىلەن يۈزىمىزنى يىنىك ئۇرۇپ بەرسەك بولىدۇ.

    ئالدى بىلەن قوللىرىمىزنى ئۇۋلاپ ئىسسىتقاندىن كىيىن، جەۋھىرى سۇيۇقلۇقىنى يۈزىمىزگە تەكشى سۇۋاپ، كەينىدىن قولىمىزدا ئاستىدىن ئۈستىگە، سىرتتىن ئىچىگە قارىتىپ يىنىك ئۇۋلاپ، جەۋھىرى سۇيۇقلۇقىنىڭ يۈز تىرىمىزگە پۈتۈنلەي سۈمۈرلۈشىگە كاپالەتلىك قىلىمىز. ئاخىرىدا بارماقلىرىمىز بىلەن يۈزىمىزدىكى مۇسكۇللارنى يىنىك چىكىپ بەرسەك بولىدۇ.(100قېتىم ئەتراپىدا بولسا مۇۋاپىق).

    ئۆزىمىزنىڭ تىرىسىنىڭ ئەمەلى ئەھۋالىغا ئاساسەن، نەملىك ساقلاش كىرەك بولغان ئورۇنلارمۇ ئوخشاش بولمايدۇ؛ كۈز ۋە قىش كۈنلىرى تىرە ئاسانلا قۇرغاقلىشىپ قالىدۇ، شۇڭا بۇ مەزگىلدە مەلھەم ئىشلىتىش تەۋسىيە قىلىنىدۇ(كەچلىك مەلھەم ۋە كۈندۈزلۈك مەلھەم دەپ ئايرىلىدۇ). ئەتىياز ۋە ياز پەسىللىرىدە بولسا، تىرە نىسبەتەن نەمخۇش كىلىدىغان بولغاچقا، سۇيۇقلۇق ئىشلەتسەكلا بولىدۇ.

     ئاپتاپتا كۈيۈشتىن ساقلىنىش مەلھىمىنى ئۆزىمىزنىڭ ئىھتىياجىمىزغا قاراپ تاللشىمىز لازىم؛ ئاپتاپتا كۈيۈشتىن ساقلىنىش مەلھىمىنىڭ ئۈنۈمىنىڭ ساقلىنىش ۋاقتىنىڭ ئۇزۇن قىسىقىلىقى، ئۇنىڭ SPF قىممىتىنىڭ چوڭ-كىچىكلىكىگە باغلىق(ئەسكەرتىش: ئەگەر سىز ئۆي سىرتىدا ئۇزۇن ۋاقىت تۇرۇپ خىزمەت قىلىدىغان بولمىسىڭىز، ئۇنداقتا سىزنىڭ يۇقىرى ھەسسىلىكنى ئىشلىتىشىڭىز تەۋسىيە قىلىنمايدۇ).