كونىلاردا "ئەرنى ئەر قىلغانمۇ خوتۇن، گاداي قىلغانمۇ خوتۇن" دىگەن ماقال-تەمسىل بار؛ ئايال كىشىنىڭ ۋاپادار ھەم كۈيۈمچان بولۇشى، تويلىشىشتىن كىيىنكى نەچچە ئون يىللىق تۇرمۇشقا خېلىلا زور تەسىر كۆرسىتىدىغان بولۇپ، بۇنداق ئاياللارغا يولۇقۇش، بەخىتكە يولۇققان بىلەن ئوخشاش كىلىدۇ. تۆۋەندىكى بۇ ئۈچ خىل مۆچەلدە تۇغۇلغان ئاياللارنىڭ كۆپ قىسمى يۇقىردا ئېيتىلغاندەك ئىرىگە تەلەي ئېلىپ كىلىدىغان ۋاپادار ھەم كۆيۈمچان ئاياللاردىن بولۇپ، قايسى ئەر كىشى بۇنداق ئايال كىشىگە ئۇچرىسا، بىر ئۆمۈر تەلىيى كىلىدۇ.

يولۋاس يىلىدا تۇغۇلغان ئاياللار
    ئەگەر بىر ئەر كىشى يولۋاس يىلى تۇغۇلغان ئاياللارنىڭ كۆڭلىنى ئالالىسا، ئۇنداقتا ئۇ ئەر كىشى بىر ئۆمۈر بەخىت ۋە خۇشاللىق ئىچىدە ئۆتىدۇ. يولۋاس يىلى تۇغۇلغان ئاياللار تۇغۇلما مەسئۇلىيەتچان كىلىدۇ ھەمدە ھەر ۋاقىت يىڭىپ چىقىشنى ئويلايدىغان، ئۇتتۇرغىنىغا تەن بەرمەيدىغان كىلىدۇ. ئۇلار باشقىلارنىڭ كەينىدە قېلىشنى خالىمايدىغان بولۇپ، توي قىلغاندىن كىيىن ئىرىنىڭ نامراتلىقىدىن ئاغرىنىپ قاقشاپ ئولتۇرماي، ئەكسىچە ئۆزى تېخىمۇ ئالغا ئىنتىلىپ، خىزمەت جەھەتتە كۈچىنىڭ يىتىشىچە تىرىشىپ، ئائىلسىنى بەخىتلىك قىلىشقا ۋە ئىرىنىڭ يۈزىنى يۇرۇق قىلىشقا تىرىشىدۇ. بۇلاردىن باشقا، يولۋاس يىلى تۇغۇلغان ئاياللارنىڭ ئۆي تۇتۇش ئىقتىدارىمۇ ئىنتايىن يۇقىرى بولۇپ، ئىرى ۋە بالىلىرىنىڭ ھالىدىن ئوبدان خەۋەر ئالىدۇ، بىر ئائىلە كىشىلىرىنىڭ بەخىتلىك بولۇشىغا ئاساس يارىتىدۇ.

توشقان يىلى تۇغۇلغان ئاياللار
    توشقان يىلى تۇغۇلغان ئاياللار، يېغىپ توپلاشقا ۋە كۆڭۈل قويۇپ كۆزىتىشكە ماھىر كىلىدۇ؛ ئۇلار ھەرقانداق ئىش قىلىشتا ئالدىراپ كەتمەيدىغان بولۇپ، ئۆزىنىڭ سەۋرچانلىقىنى چىڭ تۇتۇپ، روھى ھالىتىنى ياخشى تەڭشىيەلەيدۇ؛ ھەرقانداق ئەھۋال ئاستىدا ئائىلە تۇرمۇشىغا قارىتا قىزغىن پوزۇتسىيە تۇتىدۇ ھەمدە ئىرىنى تۇلۇق خاتىرجەم قىلىپ، بەخىتلىك تۇرمۇش كەچۈرىدۇ. توشقان يىلى تۇغۇلغان ئاياللار ئىرىنى تەلەيلىك قىلىپلا قالماي، ئىرىگە بىر ئۈمۈرلۈك تەلەي ئېلىپ كىلىدۇ. ئۇلار ئىرىنىڭ كەينىدىكى مۇستەھكەم قالقان بولۇپ، ئىرىنىڭ ئىگىلىكىنىڭ قەدەممۇ قەدەم ئالغا ئىلگىرلىشىگە ھەمدەمدە بولىدۇ؛ كەلگۈسىدە بەخىتلىك بىر ئائىلە كىشىلىرى بولالىشمۇ، توشقان يىلى تۇغۇلغان ئايالنىڭ زور تىرىشچانلىقىدىن ئايرىلالمايدۇ.