تۈنۈگۈن سۆز قالدۇرۇش رايونىدا بىر قىزچاق سۆز قالدۇرۇپتۇ: ھەر كۈنى ئەتىگەندە بېشىمنى ئەڭ قاتۇرىدىغان مەسىلە، "بۈگۈن نىمە كېيسەم بولار؟"؛ كىيىم ئىشكابىمدا شۇنچە كۆپ كىيىملەر بار بولسىمۇ، قانداق ماسلاشتۇرۇپ كىيىشنى بىلەلمەي تۇرۇپ كىتىمەن.

    ئەمىلىيەتتە، نۇرغۇن كىيىملەر، ھەممىگە ماسلاشتۇرۇپ كىيىشكە ماس كىلىدىغان يەككە سەپلىمىلەر ھىسابلانمىسىمۇ، ئەمما ماسلاشتۇرۇپ كىيىش لايىقىدا بولسا، يەنىلا كۆڭۈلدىكىدەك ئۈنۈمگە ئىرىشكىلى بولىدۇ.

    بۈگۈن بىز كۆپچىلىكنىڭ دىققىتىگە، بۇ يىل مودا بولغان كىيىم ماسلاشتۇرۇش شەكلىنى تۇنۇشتۇرۇپ ئۆتمەكچى؛ سىزگە ئاز-تولا پايدىسى تىگىپ قېلىشىنى ئۈمىد قىلىمىز.

   بۇ يىل گەرچە پەلتو بىلەن لابا ئىشتان ماسلاشتۇرۇپ كىيىش مودا بولغان بولسىمۇ، ئەمما شۇنى ئىتراپ قىلماي تۇرالمايمىزكى، بەدەن شەكلىنى تۇلۇق نامايەن قىلىش، ئۇرۇق كۆرسىتىش جەھەتتىن ئېلىپ ئېيتقاندا، تار ئىشتان چوقۇم تاللاشقا تىگىشلىك يەككە سەپلىمىدۇر.

    ئايىغى ئېگىز كەلگەن ئىشتاننىڭ ئومۇملاشقان لايىھەلىنىشى بولسا، بەل قىسمى ئېگىز، ئايىغى تار؛ بۇ خىل پاسون ئادەمنىڭ بەل سىزىقچىسىنى يۇقىرىغا يۆتكەپ، كىشىگە پۇتى ئۇزۇن، بەدەننىڭ ئۈستى نىسبەتەن قىسقا كەلگەن تۇيغۇ بىرىدۇ!

    ئۇزۇن پەلتۇغا سېلىشتۇرغاندا، كالتە چاپان خانىم-قىزلارنىڭ فىگورىنى گەۋدىلەندۈرگەندىن سىرت، كالتا چاپان كېيگەندە ماسلاشتۇرۇشقا بولىدىغان ئىشتان تۈرلىرىمۇ كۆپ؛ بۇنىڭ ئىچىدە ئەڭ ماس كىلىدىغىنى ھەم فىگور تاللىمايدىغىنى بىلى ئېگىز ئىشتاندۇر.