قىچا كۆكى كىرىست گۈللۈكلەر ئائىلىسىدىكى بىر يىللىق سامان غوللۇق ئۆسۈملۈك بولۇپ، ئۇنىڭ غولى ۋە يۇمران يۇپۇرماقلىرىنى ئىستىمال قىلىشقا بولىدۇ.
خەنزۇچە ئاتىلىشى:  芥兰
لاتىنچە ئاتىلىشى:   Brassica alboglabra L.H.Bailey
تەۋەلىكى:  ئۆسۈملۈكلەر دۇنياسى—يېپىق ئۇرۇقلۇق ئۆسۈملۈكلەر تىپى—جۈپ پەللىلىك ئۆسۈملۈكلەر سىنىپى—ئىپتىدائى گۈل يېپىنچىسى كەنجى سىنىپى—كۆكنار ئەترىتى—كەپە كەنجى ئەترىتى—كىرىست گۈللۈكلەر ئائىلىسى—بىراسسىيە ئۇرۇقدىشى

ئىستىمال قىممىتى
    قىچا كۆكىنىڭ ئاشقازان-ئۈچەيگە ئىسسىق ئۆتۈپ كەتكەن، باشق قېيىپ كۆز تورلىشىدىغان، كىچىلىرى ئۇيقۇسى قاچىدىغان، قوقاق تېپىدىغان ۋە ۋىيتامىن Cكەمچىللىكتىن كىلىپ چىققان چىش مىلىكى ئىششىش ۋە قاناش قاتارلىقلارغا قارىتا داۋالاش ئۈنۈمى بار.
    قىچا كۆكى تەركىبىدە ۋىيتامىن A، ۋىيتامىن C، كالتسىي، ئاقسىل، ياغ تۈرى ۋە ئۆسۈملۈك ساخارىد تۈرىدىكى ماددىلار مول بولۇپ، ئۈچەينى سىلىقلاشتۇرۇپ ئىسسىق يەلنى ھەيدەش، قوقاقنى ھەيدەش، چىش مىلىكى قاناش قاتارلىقلارنى ياخشىلاش ئۈنۈمى بار.
   بۇلاردىن باشقا، قىچا كۆكىنىڭ تەركىبىدە كاروتىن ۋە باشقا ۋىيتامىن تۈرىنىڭ مىقدارىمۇ ئىنتايىن يۇقىرى بولۇپ، ئۇنىڭ تەركىبىدە يەنە راكقا قارشى تۇرغۇچى تەركىبلەرمۇ بار. ھەمىشە قىچا كۆكى ئىستىمال قىلىپ بەرگەندە، يەنە خولسىتىرىننى تۆۋەنلىتىش، قان تۇمۇرلارنى يۇمشىتىش، يۈرەك كىسەللىكىنىڭ ئالدىنى ئېلىش قاتارلىق ئۈنۈملەرگە ئىرىشكىلى بولىدۇ.

ئىستىمالدا دىققەت قىلىشقا تىگىشلىك ئىشلار
   ئادەتتىكى كىشىلەر توپىنىڭ ھەممىسىنىڭ ئىستىمال قىلىشىغا ماس كىلىدىغان بولۇپ، بولۇپمۇ ئىشتىھاسى تۇتۇلۇپ قالغان، قەۋزىيەت ۋە يۇقىرى خولىستىرىنلىق بىمارلارنىڭ ئىستىمال قىلىشىغا تېخىمۇ ماس كىلىدۇ.
   باھ ئاجىز كىشىلەرنىڭ ئىستىمال قىلىشىغا ماس كەلمەيدۇ.