يۇمران بىدىنى كۆكتات ئورنىدا ئىستىمال قىلىشقا بولىدىغان بولۇپ، ئۇنىڭ تەركبىدە مول مىقداردا كالتسىي، تۆمۈر، كالىي، ئاقسىل ۋە ۋىيتامىنلار بار. بىدە دۆلىتىمىزدىكى قەدىمدىن تارتىپ ئەنئەنە قالغان كۆكتاتلارنىڭ بىر تۈرى بولۇپ، قەدىمدىن تارتىپ "يىمەكلىكلەر ئاتىسى" دەپ ئاتىلىپ كەلگەن.
خەنزۇچە ئاتىلىشى:  苜蓿
ئاساسلىق ئۇزۇقلۇق تەركىبى: ئاقسىل، كالتسى، كالىي
ئاساسلىق ئۈنۈمى: ئىسسىقنى ھەيدەپ سۈيدۈكنى راۋانلاشتۇرۇش؛ ئۈچەي يوللىرىنى راۋانلاشتۇرۇپ تاشنى ھەيدەش؛ قان تۇلۇقلاپ ھاسىراشنى توختىتىش؛ ئاشقازان-ئۈچەي يوللىرىنى ياخشىلاش، خولىستىرىننى تۆۋەنلىتىش؛ دىئابىتنى ياخشىلاش
ئىشلىتىشكە ماس كىلىدىغانلار توپى: ئادەتتىكى كىشىلەر ھەممىسى ئىستىمال قىلىشقا ماس كىلىدىغان بولۇپ، سۈيدۈك يولىغا تاش چۈشكەن، يەللىك بوغۇم ياللۇغى كىسەللىكلىرى بىمارلىرى ئىھتىيات بىلەن ئىستىمال قىلىشى كىرەك.

ئۇزۇقلۇق قىممىتى
    بىدە تەركىبىدە زور مىقداردا تۆمۈر ماددىسى بار بولۇپ، بۇ سەۋەپلىك قان ئازلىق كىسىلىنى داۋالاشتىكى ياردەمچى يىمەكلىك قىلىشقا بولىدۇ؛ بىدە تەركىبىدىكى B ئائىلىسىدىكى ۋىيتامىنلار، ئادەمدىكى يامان سۈپەتلىك قان ئازلىق كىسىلىنى ياخشىلىيالايدۇ؛ بۇلاردىن باشقا بىدە تەركىبىدە يەنە قان توختىتىش ئۈنۈمىگە ئىگە ۋىيتامىن K بار بولۇپ، خەلىق ئارىسىدا بىدىدىن پايدىلىنىپ، ئاشقازان قاناشنى ياكى بۇۋاسىر قاناشنى داۋالايدۇ. بىدە تەركىبىدە يەنە تىرىتسىن، بىدە فىنول قاتارلىق ماددىلار بار بولۇپ، بۇلارنىڭ ھۆتەلنى توختىتىپ، ھاسىراشنى پەيسەيتىش رولى ۋە كاناي ياللىغۇغا قارىتا بەلگىلىك دەرىجىدە داۋالاش ئۈنۈمى بار. بىدە تەركىبىدىكى يىرىك تالا ماددىسى، چوڭ ئۈچەينىڭ قىمىرلىشىنى ئىلگىرى سۈرىدىغان بولۇپ، چوڭ تەرەت ۋە بەدەندىكى زەھەرلىك ماددىلارنىڭ بەدەن سىرتىغا چىقىرۋىتىلىشىگە پايدىلىق بولىدۇ ھەمدە بۇ ئارقىلىق قەۋزىيەتنى ياخشىلايدۇ ۋە ئۈچەي راكىنىڭ ئالدىنى ئالىدۇ؛ ئۇنىڭ ئۈستىگە بىدە قاندىكى تىروكسىننىڭ مىقدارىنى ئاشۇرالايدىغان بولۇپ، بۇ ئارقىلىق ئادرېنالىننىڭ ئوكسىدلىنىشىنىڭ ئالدىنى ئېلىپ، راكقا قارشى تۇرۇش رولى ئوينايدۇ.