نىلوپەر غولى، نىلوپەر ئائىلىسىدىكى ئۆسۈملۈكنىڭ يەر ئاستىدىكى غولى بولۇپ، ئادەتتە ئىستىمال قىلىشقىمۇ ۋە دورا ئورنىدا ئىشلىتىشكىمۇ بولىدۇ.
خەنزۇچە ئاتىلىشى:  藕，莲藕
تارقالغان رايونى: ئەڭ دەسلەپ ھىندىستاندىن تارقالغان، ھازىر دۆلىتىمىزنىڭ خېبېي، شەندۇڭ، خېنەن، گۇاڭدۇڭ قاتارلىق ئۆلكىلىرىدىمۇ يىتىشتۈرىلىدۇ.
ئىستىمال قىلىشقا ماس كىلىدىغان كىشىلەر توپى: ياشانغانلار ۋە ئايال-بالىلار، تېنى ئاجىز ۋە كىسەلچان كىشىلەرنىڭ ئىستىمال قىلىشىغا تېخىمۇ ماس كىلىدۇ.
تەۋەلىكى:  ئۆسۈملۈك دۇنياسى—يېپىق ئۇرۇقلۇق ئۆسۈملۈكلەر تىپى—ماگنولىيە سىنىپى—نىلوپەر ئەترىتى—نىلوپەر ئائىلىسى

ئۇزۇقلۇق تەركىبى
    ھەر 100گىرام نىلوپەر غولى تەركىبىدە 77.9 گىرام سۇ، 1.0 گىرام ئاقسىل، 0.1 گىرام ياغ، 19.8 گىرام كاربون سۇ بىرىكمىلىرى، 84 كىلو كالورىيە ئىنىرگىيە، 0.5 گىرام يىرىك تالا ماددىسى، 0.7 گىرام كۈل ماددىسى، 19 مىللىگىرام كالتسىي، 51 مىللىگىرام فوسفور، 0.5 مىللىگىرام تۆمۈر، 0.04 مىللىگىرام رىبوفلاۋىن، 0.4 مىللىگىرام نىكوتىنىك كىسلاتا، 25 مىللىگىرام ئاسكوربىك كىسلاتاسى بار.

ئۇزۇقلۇق قىممىتى
    1. ئىسسىقنى ھەيدەپ قاننى سۇۋىتىدۇ. نىلوپەر غولىنىڭ تەبىئىتى سوغۇق بولۇپ، ئىسسىقتىن بولغان كىسەللىك ئالامەتلىرىنى ياخشىلاش ئۈنۈمى بار.
    2. چوڭ تەرەتنى راۋانلاشتۇرۇپ، ئىچى سۈرۈشنى توختىتىدۇ.
    3. دانىخورەكلەرنى يوقىتىپ، ھۆسىن گۈزەللەشتۈرىدۇ.
    4. قاننىڭ قەنت ۋە ماي تەركىبىنى تۆۋەنلىتىدۇ ھەمدە ئۈچەي يوللىرىغا پايدىلىق بولىدۇ.
    5. بەدەندىكى توكسىننى ھەيدەپ، چىراينى گۈزەللەشتۈرىدۇ.
    6. قېرىشقا قارشى تۇرۇپ راكنىڭ ئالدىنى ئالىدۇ ھەم ۋىيتامىن C تۇلۇقلايدۇ.
    7. ئاغرىقنى پەسەيتىپ بېسىمنى يىنىكلىتىدۇ، يۈرەكنى قوغدايدۇ.
    8. قاننى جانلاندۇرۇپ ماغدۇر تۇلۇقلايدۇ، ھەزىم قىلىشنى ياخشىلايدۇ.
    9. يۈرەك رېتىمىنى مۇقىملاشتۇرۇپ، قان بېسىمنى تۆۋەنلىتىدۇ.
    10. قان توختىتىش رولى بار بولۇپ، قاناپ كىتىشنىڭ ئالدىنى ئالىدۇ.
    11. بەلغەمنى بوشىتىپ، زىققا كىسەللىكىنىڭ ئالدىنى ئالىدۇ.
    12. ئۆت ۋە ئاشقازاننى ساغلاملاشتۇرۇپ، ئىشتىھانى ئاچىدۇ.