گۈلسامساق، گۈلسامساق ئائىلىسى گۈلسامساق ئۇرۇقدىشىدىكى كۆپ يىللىق سامان غوللۇق، تۈگۈنەك يىلتىزلىق ئۆسۈملۈك بولۇپ، ئادەتتە سانا كۈدىسى، پىياز سامساق دەپمۇ ئاتىلىدۇ. گۈلسامساق ئەڭ بالدۇر دۆلىتىمىزدىن تارالغان بولۇپ، ئاساسلىقى ئاسىيا قىتئەسىنىڭ شەرقى قىسمى، ياۋرۇپا ۋە شىمالى ئامىرىكا قىتئەسى قاتارلىق شىمالى يېرىم شاردىكى مۆتىدىل بەلباغ رايولنلىرىغا تارقالغان. گۈلسامساقنىڭ تەڭگىسىمان غولى تەركىبىدە مول كىراخمال بار بولۇپ، ئىستىمال قىلىشقا ۋە دورا ئورنىدا ئىشلىتىشكىمۇ بولىدۇ.
خەنزۇچە ئاتىلىشى:  百合
لاتىنچە ئاتىلىشى:  Liliumbrowniivar.viridulum
ئىنگىلىزچە ئاتىلىشى:  Lily
تەۋەلىكى:  ئۆسۈملۈكلەر دۇنياسى—يېپىق ئۇرۇقلۇق ئۆسۈملۈكلەر تىپى—تاق پەللىلىك ئۆسۈملۈكلەر سىنىپى—گۈلسامساق ئەترىتى—گۈلسامساق ئائىلىسى—گۈلسامساق ئۇرۇقدىشى

ئۇزۇقلۇق تەركىبى
   گۈلسامساق تەركىبىدە %21.29 ئاقسىل، %12.43 ياغ، ئوكسىدسىزلانغان ساخارىد، %1.61 كىراخمال، كالتسىي، تۆمۈر، فوسفور، ۋىيتامىن C,B  قاتارلىقلار بولغاندىن سىرت، ئۇنىڭ يەنە بەزى ئالاھىدە ئۇزۇقلۇق تەركىبلىرى بار؛ مەسىلەن، كولخىتسىن قاتارلىق بىئولوگىيىلىك ئىشقارلار. بۇ خىل تەركىبلەر بىرلىكتە ئادەم بەدىنىگە تەسىر كۆرسەتكەندە، ياخشى بولغان ئوزۇقلۇق قۇۋۋەت تۇلۇقلاش ئۈنۈمى كۆرسىتىپلا قالماي، يەنە كۈز پەسلىدىكى ھاۋا قۇرغاق بولۇش سەۋەبىدىن كىلىپ چىققان كۆپ خىل پەسىل خارەكتىرلىك كىسەللىكلەرگە قارىتا بەلگىلىك دەرىجىدە ئالدىنى ئېلىش ۋە داۋالاش رولىنى ئۆتەيدۇ.
ئسىتىمال قىممىتى
   ئۆپكىگە ھۆللۈك يەتكۈزۈپ مۇئەننەسنى قۇۋۋەتلەيدۇ، مىڭىنى قۇۋۋەتلەندۈرۈپ كۆڭۈلنى تىنچلاندۇرىدۇ؛ بەلغەمنى بوشىتىپ، ھۆتەلنى ياخشىلايدۇ؛ ئۇيقۇسى قېچىش ۋە كۆپ چۈش كۈرۈشنى ياخشىلايدۇ؛كەيپىياتنى تەڭشەپ، ھۆلتەمرەتكىنى ياخشلايدۇ.