يۇمغاقسۈت، ئادەتتە پۇراقلىق بەدىيان دەپمۇ ئاتىلىدىغان بولۇپ، كۈنلۈكسىمان ئۆسۈملۈكلەر ئائىلىسنىڭ يۇمغاقسۈت ئۇرۇقدىشىغا تەۋە بولغان، بىر ياكى ئىككى يىللىق سامان غوللۇق ئۆسۈملۈك.
   يۇمغاقسۈت كىشىلەرگە تۇنۇشلۇق بولغان تەم كۆتۈرگۈچى كۆكتات بولۇپ، شەكلى كەرەپشىگە ئوخشاپ كىتىدۇ؛ ئۇنىڭ يۇپۇرماقلىرى كىچىك ھەم يۇمران بولۇپ، پۇرىقى ناھايىتى يېقىشلىق كىلىدۇ. يۇمغاقسۈت ئادەتتە سۇغۇق سەي ياكى شورپىلاردا، چۆپ تۈرىدىكى يىمەكلىكلەردە تەم كۆتۈرۈش ئۈچۈن ئىشلىتىلىدۇ.
خەنزۇچە ئاتىلىشى:  香菜
لاتىنچە ئاتىلىشى:  Coriandrum sativum
باشقىچە ئاتىلىشى:  پۇراقلىق بەدىيان
تەۋەلىكى: ئۆسۈملۈكلەر دۇنياسى—يېپىق ئۇرۇقلۇق ئۆسۈملۈكلەر تىپى—جۈپ پەللىلىك ئۆسۈملۈكلەر سىنىپى—كۈنلۈكسىمان گۈللۈكلەر ئەترىتى—كۈنلۈكسىمان گۈللۈكلەر ئائىلىسى—سانكۇلا پۇرچىقى كەنجى ئائىلىسى—يۇمغاقسۈت ئۇرۇقدىشى

ئۇزۇقلۇق قىممىتى
    يۇمغاقسۈتنىڭ ئۇزۇقلۇق تەركىبى مول بولۇپ، تەركىبىدە ۋىيتامىن C، كاروتىن، ۋىيتامىن B1، ۋىيتامىن B2 قاتارلىقلار بار؛ بۇنىڭ بىلەن بىرگە يەنە كالتسىي، تۆمۈر، فوسفور، ماگنىي قاتارلىق مىنرالنى ئىلمىنىتلار بار. يۇمغاقسۈتنىڭ ئۇچۇچان مېيى تەركىبىدە ماننىتول، ئاپتاپپەرەس ئالدېگىد، پىلارگون ئالدېگىد، كامفورا دەرىخى ئالكوگولى قاتارلىقلار بار بولۇپ، بۇلارنىڭ ئىشتىھانى ئېچىپ ئۆت فونكىسىيىسىنى ياخشىلاش ئۈنۈمى بار. بۇلاردىن باشقا يۇمغاقسۈت تەركىبىدە يەنە ئالما كىسلاتاسى ۋە كالىي قاتارلىق ماددىلارمۇ بار.
   يۇمغاقسۈت تەركىبىدىكى ۋىيتامىن Cنىڭ مىقدارى باشقا كۆكتاتلارغا قارىغاندا كۆپ يۇقىرى بولۇپ، ئادەتتە بىر ئادەم 10-7 گىرام ئەتراپىدا يۇمغاقسۈت ئىستىمال قىلسىلا، ئادەم بەدىنىنىڭ ۋىيتامىن C غا بولغان ئىھتىياجىنى قامدىيالايدۇ؛ يۇمغاقسۈت تەركىبىدىكى كاروتىننىڭ مىقدارى، پەمىدۇر، تەرخەمەك قاتارلىق كۆكتاتلارغا قارىغان 10 ھەسسە كۆپ.