پىدىگەن سامان غوللۇق ياكى پاكار چاتقال ئۆسۈملۈكى بولۇپ، ئۇنىڭ يەنە پاكار كاۋا، ئاسما سەيزىگە، كۆك پېدىگەن قاتارلىق باشقىچە ئاتىلىشلىرىمۇ بار؛ پىدىگەننىڭ ئۆسۈملۈك ئىگىزلىكى ئادەتتە 1 مىتر ئەتراپىدا بولۇپ، گۈلى كۆپ ئەمما يەككە ئېچىلىدۇ، ئومۇمى گۈل رېتى شالاڭ، مىۋىسىنىڭ (بىز ئادەتتە كۆزدە تۇتىدىغان پېدىگەن) شەكلى ۋە چوڭ-كىچىكلىكىدە پەرق بىرقەدەر چوڭ بولىدۇ.
   پىدىگەننىڭ مىۋىسىنى كۆكتات قاتارىدا ئىستىمال قىلىشقا بولىدۇ؛ يىلتىزى، غولى، يۇپۇرماقلىرىنى بولسا دورىغا قوشۇشقا بولىدىغان بولۇپ، سۈيدۈك ھەيدەش ئۈنۈمى بار؛ بۇندىن باشقا يۇپۇرمىقىنى ناركوز قىلىش دورىسى ئورنىدا ئىشلىتىشكە بولىدۇ. پىدىگەننىڭ ئۇرۇقىنىڭ ئىششىق ياندۇرۇش رولى بار بولۇپ، ئەمما ئۇنىڭ ئاشقازاننى ئاجىزلاشتۇرۇش ۋە قەۋزىيەت پەيدا قىلىش ئەكىس تەسىرىمۇ بار. پىدىگەننىڭ مىۋىسىنى خام يىگەندە يىمەكلىكتىن زەھەرلىنىشنى قايتۇرۇشقا بولىدۇ.

خەنزۇچە ئاتىلىشى:  茄子
لاتىنچە ئىلمى ئاتىلىشى:  solanum melongena
ئىنگىلىزچە ئاتىلىشى:  eggplant
تەبىئىتى:  سۇغۇق تەبىئەتلىك
تەۋەلىكى:  ئۆسۈملۈك دۇنياسى—يېپىق ئۇرۇقلۇق ئۆسۈملۈكلەر تىپى—جۈپ پەللىلىك ئۆسۈملۈكلەر سىنىپى—پىدىگەن ئەترىتى—پېدىگەن ئائىلىسى—پىدىگەن ئۇرۇقدىشى—پىدىگەن كەنجى ئۇرۇقدىشى—پىدىگەن ئۇرۇغى

ئۇزۇقلۇق قىممىتى
   پېدىگەن تۇرمۇشىمىزدا كۆپ ئۇچرايدىغان كۆكتاتلارنىڭ بىرى بولۇپ، ئۇنىڭ ئىستىمال قىلىشقا بولىدىغان قىسمى %93 كە يىتىدۇ. ھەر 100گىرام پىدىگەننىڭ تەركىبىدە 88 Kj ئىنىرگىيە، 93.4 گىرام سۇ، 1.1 گىرام ئاقسىل، 0.2 گىرام ياغ، 1.3 گىرام يىمەكلىك تالاسى، 3.6 مىللىگىرام كاربون سۇ بىرىكمىلىرى، 50 مىكروگىرام كاروتىن، 8 مىكروگىرام رىننول(视黄醇)، 0.02 مىللىگىرام تىئامىن ماددىسى(硫胺素)، 0.04 مىللىگىرام رىبوفلاۋىن (核黄素)، 0.6 مىللىگىرام نىكوتىنىك كىسلاتاسى(尼克酸)، 5 مىللىگىرام ۋىيتامىن C، 1.13 مىللىگىرام ۋىيتامىن E، 142 مىللىگىرام كالىي، 24 مىللىگىرام كالتسىي، 13 مىللىگىرام ماگنىي، 0.5 مىللىگىرام تۆمۈر، 0.13 مىللىگىرام مانگان، 0.23 مىللىگرام سىنىك، 0.1 مىللىگىرام مىس، 2 مىللىگىرام فوسفور، 0.485 گىرام سېلىن بار.

دورىلىق ئۈنۈمى
   پىدىگەننىڭ تەركىبىدە ئىتئۈزۈمى ئىشقارى قاتارلىق دورىلىق تەركىبلەر بار بولۇپ، ئۇنىڭ تۆۋەندىكىدەك ئۈنۈملىرى بار:
     ئىسسىقنى ھەيدەپ قان توختىتىش، ئىششقنى ياندۇرۇپ ئاغرىقنى پەسەيتىش.
     قاندىكى ماي تەركىبىنى ئازايتىش، قان بېسىمىنى چۈشۈرۈش.
     بۇزۇق قان كىسلاتاسىغا قارشى تۇرۇپ، يۈرەك قان تۇمۇرلىرىنى قوغداش.
     پىدىگەن تەركىبىدىكى ئىتئۈزۈمى ئىشقارىنىڭ ھەزىم قىلىش سېستىمىسىدا ئۆسمە پەيدا بولۇشنى ئۈنۈملۈك توسۇش رولى بار.
     قېرىشقا قارشى تۇرۇش.