گوللاندىيە پۇرچىقى، بىر يىللىق سامان غوللۇق ئۆسۈملۈك بولۇپ، كىپىنەكسىمانلار ئائىلىسى كۆك پۇرچاق ئۇرۇقدىشىغا تەۋە. گوللاندىيە پۇرچىقى گوللاندىيەدىنلا چىقىدىغان ئەمەس، گوللاندىيە پۇرچىقى دەپ ئاتىلىشتىكى سەۋەب، ئۇنى دۆلىتىمىزگە گوللاندىيەلىكلەر ئېلىپ كىرگەن.
   خەنزۇچە ئاتىلىشى: 荷兰豆
   لاتىنچە ئاتىلىشى: Pisum sativum
   تەۋەلىكى: ئۆسۈملۈكلەر دۇنياسى—يېپىق ئۇرۇقلۇق ئۆسۈملۈكلەر تىپى—قوش پەللىلىكلەر سىنىپى—پۇرچاق ئەترىتى—كىپىنەكسىمانلار ئائىلىسى—كۆك پۇرچاق ئۇرۇقدىشى
   ئالاھىدە ئەسكەرتىش: چوقۇم تۇلۇق پىشۇرۇپ ئاندىن ئىستېمال قىلىش كېرەك

ئۇزۇقلۇق تەركىبى
   ھەر 100گىرام گوللاندىيە پۇرچىقى تەركىبىدە، تەخمىنەن 30 كىلو كالورىيە ئېنېرگىيە، 2.5 گىرام ئاقسىل، 0.3 گىرام ياغ، 4.9 گىرام كاربون سۇ بىرىكمىلىرى، 1.4 گىرام ئىرىمەيدىغان يېمەكلىك تالا ماددىسى، 9 مىللىگىرام ناترىي، 16 مىللىگىرام ماگنىي، 19 مىللىگىرام فوسفور، 116 مىللىگىرام كالىي، 51 مىللىگىرام كالتسىي، 0.48 مىللىگىرام مانگان، 0.9 مىللىگىرام تۆمۈر، 0.06 مىللىگىرام مىس، 0.5 مىللىگىرام سىنىك، 0.4 مىكروگىرام سېلىن، 80 مىكروگىرام ۋىتامىن A، 0.09 مىللىگىرام ۋىتامىن B1، 0.04 مىللىگىرام ۋىتامىن B2، 0.7 مىللىگىرام نىكوتىنىك كىسلاتا، 16 مىللىگىرام ۋىتامىن C، 0.3 مىللىگىرام ۋىتامىن E قاتارلىقلار بار.