بۈگۈن كۆپچىلىكنىڭ دىققىتىگە روسچە سالات تەييارلاش ئۇسۇلى تونۇشتۇرۇپ ئۆتىمىز.
   كىتەرلىك ماتېرىيال: تەرخەمەك، كىچىك پەمىدۇر، قىزىل پىياز، پەمىدۇر، لىمون، زەيتۇن، سەۋزە، ياڭاق    تەم خۇرۇچلىرى: تۇز، لىمون سۈيى، ئاق ئاچچىقسۇ، زەيتۇن مېيى تەييارلاش ئۇسۇلى
   ئالدى بىلەن كىتەرلىك ماتېرىياللارنى يۇيۇپ پاكىزلايمىز؛ كەينىدىن رەسىمدىكى ھالەتتە تەكشى توغراپ تەييارلىۋالىمىز؛ ياڭاقنى ئىزىپ تالقان قىلىۋالىمىز.
   ئىككىنچى قەدەمدە، توغراپ تەييارلىغان كۆكتاتلارنى بىر قاچىغا ئېلىپ، ئۈستىگە مۇۋاپىق مىقداردا تۇز، لىمون سۈيى، ئاق ئاچچىقسۇ، زەيتۇن مېيى قاتارلىقنى قوشۇپ تەملەندۈرۈپ، تەخسىگە ئېلىپ ئۆز خاھىشىمىز بويىچە بىزىگەندىن كېيىن، ئۈستىگە ياڭاق تالقىنى سېپىۋىتىپ ئىستېمال قىلساق بولىدۇ.    ئالاھىدىلىكى: بۇ تائام پۈتۈنلەي كۆكتاتلاردىن تەييارلانغان تەبىئىي يېشىل يېمەكلىك بولۇپ، ۋىتامىنلار ۋە باشقا ئۇزۇقلۇق ماددىلار ئىنتايىن مول. شۇڭا بۇ خىل سالاتنى كۆپلەپ ئىستېمال قىلىپ بەرگەندە، تاماق سىڭدۈرۈش، بەدەندىكى مايلارنى سىيرىش، قان بېسىمىنى تۆۋەنلىتىش، تېرىنى ياخشىلاپ ھۆسىن گۈزەللەشتۈرۈش قاتارلىق ئۈنۈملەرنى كۆرسىتىدۇ؛ قان بېسىمى يۇقىرى، سېمىز كىشىلەرنىڭ ئىستېمال قىلىشىغا تولىمۇ ماس كېلىدۇ.