گۈزەللىكنى سۆيۈش، ئاياللارنىڭ تەبىئىتى؛ ئۇنىڭ ئۈستىگە ھازىرقىدەك "چىرايىغا قارايدىغان" دەۋردە، كۆپچىلىك ئۆزىنىڭ چىرايىغا ئالاھىدە ئېتىبار بىرىدۇ. شۇنىڭ بىلەن، بىز توختىماستىن ھەر خىل تېرە ئاسراش مەھسۇلاتلىرىنى سېتىۋالىمىز، لېكىن بىزنىڭ تېرىمىز يەنىلا يىللارنىڭ چىرىتىشىدىن قۇتۇلالمايدۇ. يېشىمىزنىڭ ئېشىشىغا ئەگىشىپ، ۋە ھەر خىل ئامىللارنىڭ تەسىرى تۈپەيلىدىن، بىزنىڭ تېرە رەڭگىمىز ئۆڭۈپ نۇرسىز بولۇپ قالىدۇ ھەمدە ھەر خىل داغ سەپكۈنلەر پەيدا بولۇشقا باشلايدۇ. بۇ ئەھۋال، گۈزەللىكنى سۆيىدىغان بىزگە نىسبەتەن، بىر مەيدان "قاباھەتلىك چۈش" بولۇپ ھېسابلىنىدۇ.

   داغ سەپكۈنگە كەلسەك، ھەممە ئادەم بۇنىڭدىن بىزار؛ چۈنكى داغ سەپكۈن، بىزنىڭ سىرتقى ئوبرازىمىزغا ئېغىر دەرىجىدە تەسىر يەتكۈزىدىغان بولۇپ، ۋاقتىدا ئۈنۈملۈك چارە قوللانمىساق، ئەكسىچە بارغانسېرى كۆپىيىپ، ۋاقتى كەلگەندە ھەل قىلماق تېخىمۇ تەسكە توختايدۇ. ئۇنداقتا، يۈزىمىزدە داغ سەپكۈنلەر پەيدا بولسا ئۇنى قانداق ھەل قىلىش كېرەك؟

   ئەمەلىيەتتە، بۇنىڭ ئۇسۇلى ناھايىتى ئاددىي؛ كىتەرلىك ماتېرىيال بولسا، تۇرمۇشتا كۆپ ئۇچرايدىغان ياڭيۇ ۋە كالا سۈتى. بۇ ئۇسۇل ئاڭلىماققا ناھايىتى ئاددىيدەك، تازا ئىشەنچىلىك ئەمەستەك بىلىنىدۇ؛ لېكىن ئەمەلىيەتتە، ئۇنىڭ تېرە ئاسراش ئۈنۈمى، سىز ئويلاپ يىتەلمەيدىغان دەرىجىدە ياخشى. ياڭيۇ تەركىبىدە مول كىراخمال بار، كىراخمال بولسا تېرىنىڭ "قوغدىغۇچىسى" بولۇپ، تېرە مۈڭگۈز قەۋىتىنى قوغداپلا قالماي، يەنە تېرىدىكى سۇ تەركىبلىرىنى قوۇلۇپلاپ، تېرىنىڭ نەملىكىنى ۋە ئېلاستىكىلىقىنى ساقلايدۇ. بۇندىن باشقا، يەنە نۇرغۇن ۋىتامىنلار بار بولۇپ، تېرە ھۈجەيرىسىنىڭ ئۆسۈشىنى ئىلگىرى سۈرۈپ، تېرىدىكى قارا رەڭ ماددىلىرىنى مىتابولىزىملاپ پارچىلايدۇ ھەمدە بۇ ئارقىلىق تېرىدىكى داغ سەپكۈنلەرنى سۇسلاشتۇرۇپ، تېرىنى ئاقارتىش رولىنى ئوينايدۇ.

   بىراق، پەقەت ياڭيۇلا ئىشلەتسەك، ئۈنۈمى بىر خىللا بولۇپ قالىدۇ، شۇڭا كالا سۈتىنى قوشۇپ ئىشلىتىش كېرەك. كالا سۈتى تەركىبىدە سۈت ياغلىرى، ۋىتامىنلار ۋە مىنرالنى ماددىلار قاتارلىق ئۇزۇقلۇق ماددىلار مول بولۇپ، تەبىئىي نەملىك ساقلاش ئۈنۈمىگە ئىگە، تېرىنىڭ ئۇزۇقلۇق ھالىتىنى ئۈنۈملۈك ھالدا ياخشىلايدۇ ھەمدە زەخىمگە ئۇچرىغان تېرىلەرنى ياخشىلاپ، تېرىنى تېخىمۇ ئاق ۋە يۇمران قىلىدۇ. شۇڭا، كالا سۈتى بىلەن ياڭيۇنى قوشۇپ ئىشلەتسەك، تېرە ئاسراش ئۈنۈمى تېخىمۇ ياخشى بولىدۇ.

   تۆۋەندە كونكرېتنى ئۇسۇلىنى كۆرۈپ باقايلى: ئالدى بىلەن، يېڭى ياڭيۇدىن بىرنى تەييارلاپ، پوستىنى ئاقلاپ قازانغا سېلىپ پىشۇرىمىز؛ كەينىدىن چىنىگە سېلىپ ئىزىپ لاي ھالىتىگە ئەكىلىمىز؛ بۇنىڭغا ئۇلاپلا، ئۈستىگە تەخمىنەن 20 مىللىلىتىر كالا سۈتى قوشىمىز. كالا سۈتىگە ئەڭ ياخشىسى ياغسىزلاندۇرۇلغان ياكى تۆۋەن ياغلىق كالا سۈتى ئىشلىتىش كېرەك؛ بۇنىڭدا تېرىنىڭ سۈمۈرۈشىگە تېخىمۇ پايدىلىق بولىدۇ. ئەڭ ئاخىرىدا، قوشۇق بىلەن تەكشى ئارىلاشتۇرۋەتسەك، تېرە ئاسراش يۈز چاپلىقى تەييار بولغان بولىدۇ. يەنە بىر خىل ئۇسۇل بولسا، باشقا باسقۇچلار يۇقىرىدىكىگە ئوخشايدۇ، ئەمما ئاخىرىدا ئازراق ئۇن قوشۇپ، چاپلاشقاقلىق دەرىجىسىنى ئاشۇرىمىز.
   ماتېرىيالنى تەييارلاپ بولغاندىن كېيىن، تەييار قىلغان چاپلاقنى يۈزىمىزگە چاپلاپ، تەخمىنەن 20-15 مىنۇت قويغاندىن كېيىن، يۈزىمىزنى ئىلمان سۇدا چايقىۋىتىپ، ئاخىرىقى باسقۇچلۇق ئاساسى تېرە ئاسراش ئېلىپ بارساق بولىدۇ.