بالىياتقۇ سۇۋۇپ كېتىش، ئاياللاردا كۆپ كۆرۈلىدىغان بىر ئەھۋال بولۇپ، ئاياللارنىڭ تەن ساغلاملىقىغا تەسىر كۆرسىتىدۇ. بالىياتقۇ سۇۋۇپ كېتىش كۆرۈلسە، بەدەن ساپاسىنىڭ ئوخشىماسلىقىغا ئەگىشىپ، كۆرۈلىدىغان ئالامەتلەرمۇ ئوخشاش بولمايدۇ؛ ئۇنداقتا، ئاياللاردا بالىياتقۇ سۇۋۇپ كېتىش كۆرۈلگەندە قانداق قىلىش كېرەك؟ قايسى يېمەكلىكلەرنى يېگەندە، بالىياتقۇ سۇۋۇشنى ياخشىلاشقا بولىدۇ؟
قىزىل پۇرچاق(红豆)
   قىزىل پۇرچاقنىڭ بالىياتقۇ سۇۋۇشنىڭ ئالدىنى ئېلىش ئۈنۈمى نىسبەتەن ياخشى. قىزىل پۇرچاقنىڭ، بەدەنگە قۇۋۋەپ ماغدۇر يەتكۈزۈش، ئاشقازان ئۆتنى ياخشىلاش، ھۆللۈكنى يوقىتىپ سۈيدۈك ھەيدەش، يېڭى تۇغۇتلۇق ئاياللاردىكى سۈتنى كۆپەيتىش قاتارلىق ئۈنۈملىرى بار. بۇندىن باشقا، قىزىل پۇرچاق تەركىبىدە ۋىتامىن B1، ۋىتامىن B2، ئاقسىل ۋە كۆپ خىل مىنرالنى ماددىلار بار بولۇپ، بۇ ماددىلارنىڭ قۇۋۋەتلەش ئۈنۈمى ياخشى.

زاراڭزا(红花)
   زاراڭزا، ئاياللارغا نىسبەتەن يامان ئەمەس داۋالاش ئۈنۈمى كۆرسىتىدىغان يېمەكلىك. لېكىن بىزنىڭ ئايدىڭلاشتۇرۇۋىلىشقا تىگىشلىك بولغىنى، زاراڭزا بىلەن زەپەرنىڭ(藏红花) پەرقى بار؛ زەپەرنىڭ دورىلىق ئۈنۈمى زاراڭزىغا قارىغاندا كۈچلۈك، لېكىن زەپەرنىڭ پەقەت قاننى جانلاندۇرۇشلا ئۈنۈمى بار، زاراڭزىنىڭ رولى بولسا كۆپ خىل.
   زاراڭزىنىڭ تەبىئىتى مۆتىدىل بولۇپ، جىڭلولارنى راۋانلاشتۇرۇپ، ئاغرىق توختىتىش رولى بار؛ ئادەتتە، ھەيىز توختاپ قېلىش، ھەيىز ئاغرىتىپ كېلىش قاتارلىقلارغا قارىتا داۋالاپ ياخشىلاش ئۈنۈمى كۆرسىتىلىدۇ.
ئۈجمە قېقى(桑葚干)
   ئۈجمە قېقى، ھازىرقى مىۋە-چىۋە ۋە مىۋە-چىۋىلەردىن پىششىقلاپ ئىشلەنگەن يېمەكلىكلەر ئىچىدىكى تۆمۈر تەركىبى ئەڭ مول يېمەكلىك بولۇپ، ھەر 100گىرام ئۈجمە قېقى تەركىبىدە 42.5 مىللىگىرام تۆمۈر ماددىسى بار؛ بۇ سەۋەبلىك، ئۈجمە قېقى "قان تولۇقلاش مىۋىسى" دەپ نام ئالغان. ئادەتتە، ئۈجمە قېقىدا شورۋىگۈرۈچ تەييارلاپ ئىچىش تەۋسىيە قىلىنىدۇ.
داڭگۇي(当归)
   داڭگۇي، جۇڭگۇ تىبابەت دورىلىرىنىڭ بىر تۈرى بولۇپ، ئۇنى ئاياللار كېسەللىكىنى ياخشىلاشتا ئىشلىتىپلا قالماي، يەنە ئۈچەينى سىلىقلاش، راكقا قارشى تۇرۇش، ئىممۇنت كۈچىنى ئاشۇرۇش قاتارلىق ئۈنۈملەرگىمۇ ئىگە.

ئالقات(枸杞)
   ئالقاتنىڭ گەرچە قۇۋۋەتلەش ۋە داۋالاش ئۈنۈمى بار بولسىمۇ، لېكىن ھەممىلا ئادەمنىڭ ئىستېمال قىلىشىغا ماس كېلىدىغان ئەمەس. چۈنكى ئۇنىڭ بەدەنگە ئىسسىقلىق يەتكۈزۈش ئۈنۈمى ئىنتايىن كۈچلۈك بولغاچقا، زۇكامداپ قىزىپ قالغان، بەدەندە ياللۇغ بار ۋە ئىچى سۈرۈپ قالغان كىشىلەر ئەڭ ياخشىسى ئىستېمال قىلماسلىقى كېرەك.