ئايال كىشى، بۇ دۇنيادىكى ئەڭ ئاسراشقا تېگىشلىك "جانلىق" بولۇپ، نۇرغۇن ئاياللار ئائىلە قۇرغاندىن كېيىن، بارلىق زېھىنىنى ئىرى بىلەن پەرزەنتلىرىگە قارىتىپ، تەدرىجىي ھالدا ئۆزىنى سۆيۈشنى ئۇنتۇپ قالىدۇ؛ لېكىن ئۇلارنىڭ بىلمەيدىغىنى، ئايال كىشى ئاۋۋال ئۆزىنىڭ ھالىدىن ياخشى خەۋەر ئالسا، ئاندىن ئائىلىسىدىن تېخىمۇ ياخشى خەۋەر ئالالايدۇ.  بۈگۈن كۆپچىلىكنىڭ دىققىتىگە، تېرىنى ياخشىلاپ چىراينى گۈزەل قىلىدىغان قۇۋۋەت شورپىسى تونۇشتۇرۇپ ئۆتىمىز.

   ئاق قېرىنقولاقنىڭ ئۇزۇقلۇق قىممىتى ئىنتايىن يۇقىرى بولۇپ، ئۈچەينى تازىلاش، چىراينى گۈزەل قىلىش ئۈنۈمى بار.
   كىتەرلىك ماتېرىيالى: 20گىرام ئاق قېرىنقولاق، يېرىم ئالما، مۇۋاپىق مىقداردا ئالقات، ئالتە تال چىلان، 50گىرام ناۋات، تۇز

تەييارلاش ئۇسۇلى
   1. ئاۋۋال ئاق قېرىنقولاق بىلەن ئالقاتنى سۇغا چىلاپ قويىمىز، چىلاننى يۇيۇپ پاكىزلايمىز.
   2. قۇم قازانغا سۇ قۇيۇپ، ئاق قېرىنقولاقنى سېلىپ چوڭ ئوتتا قايناتقاندىن كېيىن، ئوتتۇرا دەرىجىلىك ئوتقا ئالماشتۇرۇپ ئون مىنۇت قاينىتىمىز. (ئاق قېرىنقولاق بىلەن سۇنىڭ نىسبىتى 5:1 بولسا بولىدۇ).
   3. كەينىدىن ئالما بىلەن چىلاننى سېلىپ، ئوتتۇرا ياكى كىچىك ئوتتا 40مىنۇت قايناتقاندىن كېيىن، ئالقات بىلەن ناۋاتنى قوشۇپ يەنە 5مىنۇت قاينىتىمىز.
   4. ئاخىرىدا ئازراق تۇز قوشۇپ تەم تەڭشىگەندىن كېيىن ئۇسۇپ ئېلىپ ئىستېمال قىلساق بولىدۇ.