قان كىتىش ئەھۋالىنى كۆزىتىش
   بالا چۈشۈرۈش ئوپىراتسىيەسى قىلدۇرغاندىن كېيىن، سىرتقى جىنسى ئەزادىن قان كېتىش ئادەتتە بىر ھەپتە ئىچىدە داۋاملىشىدۇ؛ ئەگەر بىر ھەپتىدىن ئېشىپ كەتسە ھەمدە مىقدارى كۆپ بولۇش، قورساق ئاغرىش، قىزىش، ئاق خۇن غەلىتە پۇراقلىق كىلىش قاتارلىق ئەھۋاللار كۆرۈلسە، دەرھال دوختۇرخانىغا بېرىپ  قايتا تەكشۈرتۈش كېرەك.
كۆپىيىش ئەزالىرى ساغلاملىقىغا ئالاھىدە دىققەت قىلىش
   بالا چۈشۈرگەندىن كېيىن، بەدەندىكى پۈتكۈل ياكى قىسمەن كۆپىيىش ئەزالىرىدا، كېسەللىك باكتېرىيەلىرىگە قارىتا قارشىلىق كۈچى تۆۋەنلەش كۆرۈلىدىغان بولۇپ، ئاسانلا بالىياتقۇ، تۇخۇم توشۇش نەيچىسى قاتارلىق قىسىملارنىڭ ياللۇغلىنىشىنى كەلتۈرۈپ چىقىرىدۇ، شۇڭا بۇ جەھەتلەرگە ئالاھىدە دىققەت قىلىش لازىم.

قايتا ھامىلدار بولۇپ قېلىشنىڭ ئالدىنى ئېلىش
   نۇرغۇن ئاياللار، بالا ئالدۇرۇپ بولغاندىن كېيىن ناھايىتى بىخەتەر دەپ قاراپ، بالا چۈشۈرۈپ ئۇزۇن ئۆتمەيلا جىنسىي تۇرمۇش ئېلىپ بارىدۇ، نەتىجىدە قايتىدىن ھامىلدار بولۇپ قالىدىغان ئەھۋال كېلىپ چىقىپ، بەدىنىگە تېخىمۇ چوڭ زىيان-زەخمە ئېلىپ كېلىدۇ.
تەن ساغلاملىقىغا كاپالەتلىك قىلىش
   بالا چۈشۈرۈش ئوپراتسىيەسى قىلدۇرغاندىن كېيىن، ئاز دېگەندىمۇ 3-2كۈن كارىۋاتتىن چۈشمەي ئارام ئېلىش لازىم، قاتتىق ھەرىكەت قىلىشقا ۋە سوغۇق خام يىمەكلىكلەرنى يىيىشكە بولمايدۇ.
ئۇزۇقلۇق تولۇقلاشقا دىققەت قىلىش
   بالا چۈشۈرۈش ئوپراتسىيەسى قىلدۇرغاندىن كېيىن، ئۇزۇقلۇق ماددىلارنى قوبۇل قىلىشنى مۇۋاپىق تۈردە كۆپەيتىپ، بەدەن ئورگانىزىمىنىڭ كېسەللىككە قارشى تۇرۇش كۈچىنى ئاشۇرۇش لازىم. بۇنىڭدا، زەخمىگە ئۇچرىغان ئەزارلارنىڭ بالدۇر ئەسلىگە كېلىشىگە پايدىلىق بولىدۇ. ئادەتتە، بېلىق تۈرى، گۆش تۈرى، تۇخۇم تۈرى، پۇرچاق مەھسۇلاتلىرى ۋە ۋىتامىن تەركىبى مول بولغان كۆكتات قاتارلىقلارنى كۆپرەك يەپ بەرسەك بولىدۇ.