نەۋرە سىڭلىمنىڭ چوڭ بالىسى بۇ يىل تۆت ياشقا كىرگەن بولۇپ، ئاللىبۇرۇن يەسلىگە كىردى؛ بۇ سەۋەپلىك، ئۇ يەنە بىرنى تۇغماقچى بولدى. ئۇ گەرچە بىر قېتىملىق تۇغۇتنى باشتىن كەچۈرۈپ باققان بولسىمۇ، ئەمما ئىككىنچى بالىغا ھامىلدار بولۇشقا تەييارلىق كۆرگەندە، بىرىنچى قېتىملىق ھامىلدارلىق بىلەن قانداق پەرقلەر بارلىقىنى بىلەلمەي، ئەتراپىدىكى كىشىلەرنىڭ تەجىربىلىرىنى سورىغان. ئۇلار ئېيتقان، بىرىنچى ۋە ئىككىنچى بالىغا ھامىلدار بولغان ۋاقىتتىكى پەرق ھەقىقەتەن مەۋجۇت بولۇپ، سىزمۇ بۇلارنى ئاڭلاپ بېقىڭ، سىزدىمۇ ئۇنداق تۇيغۇلار بولۇپ باققانمۇ يوق؟

ھامىيلىگە تۇتىدىغان ئۈمىدى ئوخشىمايدۇ
    بىرىنچى بالىغا ھامىلدار بولغان ۋاقىتتا، ھامىلدار ئايال ۋە ئائىلىسىدىكىلەرنىڭ ئەڭ كۆپ كۆڭۈل بۆلىدىغىنى، ھامىيلىنىڭ جىنسىي ئايرىمىسى بولماستىن، بەلكى ئۇنىڭ ساغلاملىقى بولىدۇ؛ مەيلى ئوغۇل ياكى قىز بولسۇن، پەقەت ھامىيلە ساغلام يىتىلىپ، سالامەت تۇغۇلسىلا بولىدۇ قارايدۇ. بىراق ئىككىنچى بالىغا ھامىلدار بولغان ۋاقىتتا، ھامىلدار ئايال ۋە ئائىلىسىدىكىلەرنىڭ تېخىمۇ كۆپرەك كۆڭۈل بۆلىدىغىنى، ھامىيلىنىڭ قىز ئوغۇللۇقى بولۇپ، كۆپ قىسىم كىشىلەر، ئىككى بالىنىڭ بىرسى ئوغۇل بىرسى قىز بولسا ئەڭ ياخشى بولاتتى دەپ قارىغاچقا، ئىككىنچى بالىنىڭ جىسنسىي ئايرىمىسىنىڭ بىرىنچى بالا بىلەن ئوخشىماسلىقىنى ئۈمىد قىلىدۇ.

ھەرىكەتلىنىش ئوخشىمايدۇ
    بىرىنچى بالىغا ھامىلدار بولغان ۋاقىتتا، ھامىيلىنىڭ يىتىلىشىنى ئىلگىرى سۈرۈش ۋە تۇغۇتى ئاسانراق بولۇش ئۈچۈن، ھامىلدار ئاياللار مۇۋاپىق تۈردە ھەرىكەتلىنىپ چېنىقىش ئېلىپ بارىدۇ. بۇنىڭدا ئەڭ كۆپ ئۇچرايدىغىنى سەيلە قىلىش بولۇپ، بەزى ھامىلدار ئاياللار ھەتتا يۈگا، سۇ ئۈزۈش قاتارلىقلارنى ئۆگىنىدۇ؛ چۈنكى بۇنداق قىلغاندا، ھامىيلىگە پايدىلىق بولۇپلا قالماي، يەنە ھامىلدار ئايالنىڭ بەدەن شەكلىنى ياخشى ساقلاپ قېلىشىغىمۇ پايدىلىق بولىدۇ. بىراق ئىككىنچى بالىغا ھامىلدار بولغان ۋاقىتتا، ھامىلدار ئايالنىڭ بۇلارنى قىلىدىغان ۋاقتى كۆپ چىقمايدۇ؛ بۇ ۋاقىتتا، تۇنجى بالىسىنى بېقىش، كۆكتات سېتىۋىلىش، تاماق ئىتىش، ئۆي تازىلاش قاتارلىقلار، ئۇلارغا نىسبەتەن ئەڭ ياخشى چېنىقىش ھىسابلىنىدۇ.

تۇغۇت ۋاقتىنى ھىسابلاش جەھەتتە ئوخشىمايدۇ
    تۇنجى بالىغا ھامىلدار بولغان ۋاقىتتا، ھامىلدار ئايالنىڭ كۈن بويى ئويلايدىغىنى، تۇغۇت ۋاقتى بولۇپ، ئەگەر بىرەرسى "قاچانراق تۇغىسىز" دەپ سوراپ قويسا، ئۇلارنىڭ ئېغىزى ئېچىلىپ بېسىقمايلا قالىدۇ. بىراق، ئىككىنچى بالىغا ھامىلدار بولغان ۋاقىتتا، ھامىلدار ئايال كۈندە دىگۈدەك باشقا ئىشلار بىلەن ئالدىراش بولغاچقا، بەزىدە ھەتتا تۇغۇت ۋاقتىنىڭ قاچان كىلىدىغانلىقىنىمۇ ئۇنتۇپ قالىدۇ؛ باشقىلار سورىغاندىن كىيىن، ئاندىن تۇغۇت ۋاقتىنى ھىسابلاشقا باشلايدۇ.

كىيىنىشى ئوخشىمايدۇ
    بىرىنچى قېتىم ھامىلدار بولغان ۋاقىتتا، نۇرغۇن ھامىلدار ئاياللار "ھامىلدار بولغان بولساممۇ گۈزەل تۇرمىسام بولمايدۇ" دىگەن پىسخىكىدا بولىدۇ؛ شۇڭلاشقا، سېتىۋالغان كىيىملىرىمۇ ھامىلدارلار مەخسۇس كىيىدىغان كىيىم بولىدۇ؛ ماتىريال جەھەتتە ھاۋا ئۆتىشىدىغان، پاسونى كۆركەم كەلگەنلىرىنى تاللايدۇ. قىسقىچە قىلىپ ئېيتقاندا، باشقىلار ئۇلارنىڭ ئۆزگىرىپ كەتكەن بەدەن شەكلىگە ياكى چاچلىرى چۇۋۇلۇق ئوبرازىغا قاراپ ئەمەس، بەلكى قورسىقىغا قاراپ ئاندىن ئۇلارنىڭ ھامىلدار ئىكەنلىكىنى بايقىيالايدىغان ھالەتنى شەكىللەندۈرۈشكە تىرىشىدۇ. ئىككىنچى بالىغا ھامىلدار بولغاندا بولسا، ئەسلىدىنلا تۇرمۇش چىقىمى بىرقەدەر چوڭ بولغانلىق سەۋەبىدىن، ئۇلار ئارتۇق پۇل خەجلەپ ھامىلدار مەخسۇس ئىشلىتىدىغان بۇيۇملارنى سېتىۋىلىشقا كۆز قىيمايدۇ. بەلكىم بىرىنچى بالىغا ھامىلدار بولغان ۋاقىتتا كەيگەن كىيىملىرىنى كىيىشى مۇمكىن، ھەتتا ئىرىنىڭ ياكى قېيىنئانىسىنىڭ كىيىملىرىنى كىيىپ ئىشىكتىن چىقىپ كىتىۋىرىشى مۇمكىن.